პრეზერვატივების მწარმოებელმა ბრენდმა Durex ახალი ვიზუალური იდენტობა წარადგინა, რომლითაც სექსუალურ ტაბუს, სტიგმებსა და მოძველებულ შეხედულებებს უპირისპირდება. ბრენდის ახალი სიმბოლო, ძველისგან განსხვავებით, ორგანზომილებიანია და მინიმალისტური დიზაინითაა შექმნილი. ბრენდინგის კონცეფცია, რომელზეც სააგენტო Havas London-მა იმუშავა, ხაზს უსვამს მარკეტინგული სტრატეგიის ცვლილებებსაც – 91 წლის ბრენდი ეწინააღმდეგება საზოგადოების დესტრუქციულ შეხედულებებს, სექსუალურ ცხოვრებაზე. Durex, მარკეტინგული კომუნიკაციის საშუალებით, სექსის “პოზიტიურ რელობაზე” ამახვილებს ყურადღებას. ბრენდი ცდილობს, ჯანსაღ სექსზე საუბარი წაახალისოს და ამგვარად, გამოიწვიოს საზოგადოებაში დამკვიდრებული ტრადიციები, სექსთან მიმართებაში. მხარი დაუჭიროს სექსუალურ განათლებას, მსჯელობას, დისკუსიებსა და ამ თემაზე ღიად საუბარს.
