გასულ წელს EA Sports-მა გლობალურ სპორტულ ორგანიზაცია FIFA-სთან თანამშრომლობა დაიწყო. ახლა კი ვიდეო თამაშების მწარმოებელმა ოფიციალურად წარადგინა მომავალი შემცვლელის, EA Sports FC-ის ახალი ლოგო და ბრენდი.
პირველ რიგში, განხეთქილების გამო, რომელიც სალიცენზიო გარიგებამ გამოიწვია, კომპანია ვეღარ გამოიყენებს FIFA-ს სახელს თავის სათაურებში. ვიზუალური თვალსაზრისითაც სრულიად ახალი იერითა და მოტივით წარმოგვიდგება.
კრეატიულმა სტუდია BUCK-მა რებრენდინგისას დომინანტ ელემენტად სამკუთხედი მოიაზრა, რაც იდეურად უკავშირდება ფეხბურთის კულტურას — ვინც არ იცის, სწორედ ამ ფორმას მიმართავენ ყველაფერში, გადაცემის ტექნიკით დაწყებული, სათამაშო განლაგებით დასრულებული და სხვა. ახალი ლოგოც სამკუთხა მოყვანილობისაა. „ეს არის გამორჩეული ფორმა, რომელიც თავიდანვე თამაშის დნმ-ის ნაწილი იყო“.
რაც შეეხება ფონტს, ის ორი ვერსიის სინთეზს წარმოადგენს და სპეციალურად შეიმუშავეს ბევრი დამწერლობისთვის — ლათინურიდან არაბულამდე. ხოლო ფერთა თვალსაზრისით, ძირითადი ვიზუალი მონოქრომული იქნება, არხების მიხედვით კი მწვანეც დაემატება, როგორც ფეხბურთის მოედანთან კავშირის სიმბოლო.
მთლიანობაში ახალი ვიზუალური იდენტობა ენერგიულობისა და დინამიკური გამოხატვისკენაა მიდრეკილი.
