აქსესუარების მწარმოებელმა Elago-მ Apple-ის საყვარელი Macintosh-ის კომპიუტერი Cupertino-ს ახალი საათების დამტენად გადააქცია. W3-ზე თქვენი ჭკვიანი საათი კომფორტულად შეგიძლიათ მოათავსოთ. Nightstand Mode-ის დროს კი მას მაღვიძარას მსგავსად შეუძლია მუშაობა. ამასთან, იგი დროსა და შეტყობინებებსაც გაჩვენებთ.
სავარაუდოდ, Elago W3 Stand-მა მისი დიზაინითა და Watch Ultra-ს დამუხტვის უნარით დიდი შთაბეჭდილება უნდა მოახდინოს Apple Watch-ის მფლობელებზე. მას შემდეგ, რაც დასამუხტ სივრცეში საათს მოათავსებენ, საათის ეკრანი მყისიერად ტრანსფორმირდება რეტრო მაკინტოშის კომპიუტერად.
საინტერესოა ისიც, რომ დამტენი გამძლე, თუმცა არაგადამუშავებადი სილიკონისგან არის დამზადებული, რაც აქსესუარის ხანგრძლივ სიცოცხლის ციკლს უზრუნველყოფს. ამასთან, მისი გამოყენება უსაფრთხო იქნება სახლებში, რომლებშიც ბავშვები და შინაური ცხოველები ცხოვრობენ.
W3-ის შეძენას შავ და თეთრ ფერებში შეძლებთ, თანაც, ონლაინ უკვე ხელმისაწვდომია. მაკინტოშის ეპოქაში დასაბრუნებლად თქვენ მხოლოდ 13.99 დოლარის გადახდა მოგიწევთ.
