25
Jun
2019

ემოციები მარკეტინგში და 1 შეცდომა, რომელსაც ბრენდები ამ დროს უშვებენ

25 Jun 2019

ერთ-ერთი ყველაზე მშვენიერი რამ, რაც ადამიანებს ახასიათებთ შეგრძნების შესაძლებლობაა – ის, რაც ნებას გვაძლევს, ერთმანეთთან კავშირები აღმოვაჩინოთ და ცხოვრება რობოტებივით არ გავაგრძელოთ. მარკეტერებმა ემოციების მნიშვნელობა სწორად გაიაზრეს, კაუჭიც გამოაბეს მას და სწავლობენ, მეცნიერულად იკვლევენ, როგორ უნდა აღძრან ემოციები პოტენციურ მომხმარებლებში.

pasha-statiebi
pasha-statiebi

ბრენდი და ადამიანი – ეს ურთიერთობაა, სადაც ემოციები, სადღაც, შუაში ერთვება

საკონსულტაციო კომპანია Deloitte Digital-ის კვლევაში ერთადაა თავმოყრილი 800 მომხმარებლისა და დამატებით, 112 ონლაინ მომხმარებლის გამოკითხვის შედეგები, ასევე,  სოციალური მედიის 91 მლნ. პოსტი.

მთავარი, რაც ამ კვლევამ აჩვენა, მომხმარებლის მხრიდან, ბრენდთან ურთიერთობის დამოკიდებულება იყო – ადამიანები კომპანიებთან ურთიერთობას აფასებენ, როგორც რეალურ, ღირებულ კავშირს, როგორც ვთქვათ, მეგობრის შემთხვევაში იქნებოდა. ეს ნიშნავს, რომ ბრენდებმა საკუთარი თავის პერსონალიზება უნდა მოახდინონ, უკუკავშირზე რეაგირება უნდა ჰქონდეთ და პირიქით, თავადაც უნდა გასცენ ის. რაც მთავარია, ურთიერთობის ფორმა უნდა შეესაბამებოდეს კონტექსტს.

კვლევამ, ასევე, აჩვენა, რომ საწყის ეტაპზე მომხმარებლები უფრო რაციონალურები არიან, დასასრულ კი, ფასებისა და ლოიალური პროგრამების გათვალისწინებით, ურთიერთობაში ემოციებიც ერთვება.

ამის სადემონსტრაციოდ, სტატისტიკური მონაცემები ასე გამოიყურება: მომხმარებლების 60%, ბრენდთან გრძელვადიანი ურთიერთობისას ზუსტად იმავე ენას იყენებს, როგორსაც მეგობრებთან, შინაურ ცხოველებსა თუ ოჯახთან: მაგალითად, სიყვარული, აღტაცება, ბედნიერება. მიუხედავად ამისა, 70%-ის შემთხვევაში, ბრენდთან ურთიერთობის გაფუჭების მიზეზი არა ემოციური, არამედ რაციონალური მიზეზი ხდება, მაგალითად, არასწორი შეკვეთის მოტანა. მხოლოდ 18% ასახელებს ემოციურ მიზეზს ურთიერთობის დასრულებისთვის, როგორიცაა, მაგალითად, ბრენდის თანამშრომლის მხრიდან, უხეში მოპყრობა.

გამოდის, რომ რაციონალურ გადაწყვეტილებებთან ერთად, ემოციურ მხარეზეც საჭიროა ზრუნვა:
1. თქვენი ღირებულებები და რაციონალური ფიქრები თქვენს მომხმარებლებს გაუზიარეთ;
2. ემოციები ლოიალურ დამოკიდებულებას ქმნის, რომელიც თავის მხრივ, მომხმარებლის მხრიდან, ბრენდის დაცვასა და მისი უპირატესობის წარმოჩენას უზრუნველყოფს;
3. რაციონალური გადაწყვეტილებები ხდება ბრენდსა და მომხმარებლებს შორის გაუცხოების მიზეზი, მაგალითად, ფასის მომატება უმიზეზოდ, ცუდი ხარისხის პროდუქტი, მომხმარებლის ინფორმაციის გამოყენება მოულოდნელი გზით, რომელიც მყიდველს არაკომფორტულად აგრძნობინებს თავს;
4. ემპათიურობა – პრობლემაზე ემოციურ საზღვრებში, კონტექტის გათვალისწინებით რეაგირება, მომხმარებლის შენარჩუნებაში დაგეხმარებათ.

ყურადღება ბოლო პუნქტზე გაამახვილეთ, სწორედ ემპათიურობაა ის ნაწილი, სადაც ლიდერების უმეტესობა შეცდომას უშვებს და კარგავს მომხმარებელს.

კომპანიები შეგრძნებების დონეზე ხვდებიან, როგორ უნდა ჩართონ ემოციები მარკეტინგულ კონტექსტში, – ამბობს ტიმოთი გროილიქი, Deloitte Digital-ის წარმომადგენელი. მაგრამ როცა ჩვენ გამყიდველ-მყიდველ ურთიერთობაში შევდივართ, კომუნიკაცია პერსონალიზებულიდან ტრანზაქციულამდე დადის.

ადამიანური ურთიერთობები გვეხმარება ერთმანეთის შენარჩუნებაში
გროილიქი ამბობს, რომ ერთგული მომხმარებლების რაოდენობა პირდაპირპროპორციულადაა დამოკიდებული იმაზე, რამხელა ინვესტიცია აქვს ჩადებული ბრენდს პროდუქტსა თუ სერვისში. თუმცა, კრიტიკულად მნიშვნელოვანია მორალური პასუხისმგებლობა – ადამიანს ჰუმანური უკუკავშირი მისცე მაშინ, როცა მას ეს ძალიან სჭირდება. ემოციური ინტერაქცია სასიცოცხლოდ მნიშვნელოვან როლს ასრულებს ურთიერთობის შენარჩუნებაში.

„მომხმარებლისთვის ყურადღებით მოსმენა და მისთვის უკუკავშირის თხოვნა ბიზნესლიდერებისთვის საუკეთესო შესაძლებლობაა, კონტექსტის შესაბამისად, უკეთ გაიგონ, რა საჭიროებები/სურვილები აქვთ მათ. იმის გამო, რომ მომხმარებლები ბრენდებთან ემოციურ ბმას ეძებენ, თუ სწორადაა მიმართული ეს შესაძლებლობა, მათ არასდროს დაკარგავთ“.

წყარო: inc



განხილვა