8
ნოე
2018

ანტრეპრენუარების ყველაზე გავრცელებული 2 შეცდომა

8 ნოე 2018

დაქირავებული თანამშრომლიდან მეწარმეობაში გადასვლა რთულია. არცაა გასაკვირი, რადგან მცირე ბიზნესების 50% პირველი ოთხი წლის განმავლობაში კოტრდება. კოტრდება სტარტაპების მხარდამჭერი ვენჩურული ფირმების 75%-ც. დიახ, რისკის მიუხედავად, ბევრი იღებს გამოწვევას და იწყებს საკუთარ ბიზნესს. ასე იბადება 100 მილიონი სტარტაპი ყოველდღიურად. ამ დრომდე, ჩემი კარიერის განმავლობაში, ხუთი სტარტაპი დავიწყე და ვნანობ, რომ მაშინ არ ვიცოდი ის, რაც ვიცი ახლა. ანტრეპრენუარობა რთულია. ეს მძიმე სამუშაოა. თუმცა, არის სტრატეგიები, რომლებსაც ვიყენებთ წარმატების მისაღწევად.

statiebi-bog
statiebi-bog

ჩემი დაკვირვებით, დამწყები მეწარმეები ამ ორ უდიდეს შეცდომას უშვებენ ყველაზე ხშირად. ვნახოთ, როგორ შეიძლება მათი აცილება:

შეცდომა: ფიქრობენ, რომ პირველი კლიენტის პოვნა ყველაზე რთულია.
სინამდვილე: პირველი კლიენტის პოვნაა ყველაზე ადვილი.
რატომ? დავუშვათ, გადაწყვიტეთ გახდეთ ანტრეპრენუარი. თქვენ გაქვთ პროდუქტი ან მომსახურება, რისი გაყიდვაც გსურთ. შემდეგ კი, ეძებთ ცალკეულ მომხმარებლებს ან ბიზნესებს, რომ მიყიდოთ თქვენი პროდუქტი. გადიხართ თქვენი საკონტაქტო წრიდან, ცდილობთ გაიცნოთ სხვების ნაცნობები, იდეას აზიარებთ სოციალურ ქსელებში, ქმნით ვებგვერდს…

რაღაც მომენტში, პოულობთ პირველ კლიენტს. დიდი ალბათობით, ეს პირველი კლიენტი რაღაცით იქნება თქვენთან დაკავშირებული. მაგალითად, შესაძლოა თქვენი ნაცნობის ნაცნობი იყოს.

თქვენი პირველი მომხმარებლები თქვენგან იმიტომ იყიდიან, რომ გიცნობენ. ეს კი ნიშნავს, რომ გენდობიან. მაგრამ თქვენ მუდმივად ვერ დაეყრდნობით თქვენს სანაცნობო წრეს, სანაცნობო წრის სანაცნობო წრეს. თქვენ სხვა მომხმარებლებიც გჭირდებაც. რა თქმა უნდა, აუცილებელია იპოვოთ მეორე კლიენტი, მესამე, მეოთხე და ა.შ.

ბიზნესის გასაფართოებლად უნდა დაარწმუნოთ უცხო ადამიანები, რომ თქვენგან იყიდონ. უნდა გახვიდეთ იმ ადამიანებზე, ვინც აქამდე არ გიცნობდათ და არ ჰქონია ნდობა თქვენ მიმართ. ამდენად, მათთვის თქვენი პროდუქტის ან მომსახურების შეძენა გაცილებით რთულია, ვიდრე თქვენი პირველი მომხმარებლებისთვის, ვინც უკვე გენდობათ.

ასე რომ, არ შეცდეთ და არ ჩათვალოთ სირთულედ პირველი მომხმარებლის პოვნა. თქვენ გჭირდებათ ბიზნესმოდელი. კონცენტრირდით ღირებული პროდუქტისა და მომსახურების შექმნაზე, რომელიც მყიდველებს სჭირდებათ.

შეცდომა: კონცენტრირდებით იმაზე, რისი კეთებაც გინდათ და არა იმაზე, რაც კარგად იყიდება.
სინამდვილე: კონცენტრირდით, რას ყიდულობს თქვენი სამიზნე აუდიტორია და არა იმაზე, თუ რისი გაყიდვა გინდათ თქვენ.

ვერ გეტყვით, რამდენჯერ მსმენია ახალგაზრდა მეწარმეებისგან სიტყვები “ამ ბიზნესის დაწყებას ვაპირებ, ეს მიზიდავს”. როდესაც ვეკითხები “იცი, ვის სჭირდება ან აინტერესებს ის, რასაც შენ ყიდი?”. ისინი მპასუხობენ: “ამაზე ჯერ არ მიფიქრია”.

მწარე რეალობა ისაა, რომ თქვენს კლიენტებს არ აინტერესებთ. მათ ადარდებთ მხოლოდ საკუთარი თავი და საკუთარი პრობლემები.

ცოტა ხნის წინ, ვესტუმრე MIT-ის ინოვაციურ ლაბორატორიას. მათი მთავარი პროფესორი სტუდენტებს ასწავლის, რომ ინოვაცია და რაღაცის შექმნა არ არის ერთი და იგივე. ინოვაცია არის შექმნას+მოგება.

ეს არის მთავარი. როგორც დამწყებ ანტრეპრენუარს, ყველაზე მნიშვნელოვანი, რაც წარმატების შანსის გასაზრდელად შეგიძლიათ გააკეთოთ ისაა, რომ იპოვოთ, რა სჭირდებათ თქვენს სამიზნე მომხმარებლებს და ეს შესთავაზოთ. ჰკითხეთ თქვენს სამიზნე აუდიტორიას: “რა გაღვიძებს ღამით?” და სწორედ ეს მიჰყიდეთ.

ანტრეპრენუარობა არის მარცვალი. ერთხელ სტივ ჯობსმა თქვა: “სიჯიუტე არის ის, რაც წარმატებულ მეწარმეებს წარუმატებლებისგან განასხვავებს”. ამაზე უკეთ, ალბათ, ვერც იტყოდა. კონცენტრირდით იმაზე, რა იყიდება და შექმენით გზავნილი, რომელიც რეზონანსში მოვა მყიდველებთან.

წყარო: inc.com



განხილვა