დაფიქრებულხართ ოდესმე, რატომ ახერხებენ ზოგიერთი ადამიანი ასე მშვიდად და ეფექტურად ნავიგაციას ჩვენს ქაოტურ სამყაროში? პასუხი მარტივია – ემოციური ინტელექტი! ხშირად გვესმის, თუ რას აკეთებენ ემოციურად ინტელექტუალური ადამიანები, მაგრამ დღეს მოდი სხვა კუთხით შევხედოთ – რას არ აკეთებენ ისინი?
სწორედ ეს „არ აკეთებენ“ არის ის, რაც ხშირად განასხვავებს წარმატებულ პროფესიონალებს სხვებისგან. მოდით, ერთად ჩავუღრმავდეთ ამ თემას!
იმპულსურად რეაგირება
წარმოიდგინეთ სცენა: რთული შეხვედრა, კოლეგა გაღიზიანებულია და უცებ გეუბნებათ რაღაცას, რაც გაბრაზებთ. როგორ მოიქცევით? ემოციურად ინტელექტუალური ადამიანები ამ დროს „პაუზის ღილაკს“ იყენებენ. ისინი არ აყვებიან პირველ იმპულსს. ნაცვლად ამისა, ღრმად ჩაისუნთქავენ, დაითვლიან ათამდე თუ საჭიროა, და მხოლოდ ამის შემდეგ ირჩევენ პასუხს. შედეგი? ნაკლები სინანული და უკეთესი გადაწყვეტილებები – როგორც სამსახურში, ისე პირად ცხოვრებაში.
ემოციების ჩახშობა
საინტერესოა, არა? ერთი მხრივ, ისინი არ რეაგირებენ იმპულსურად, მაგრამ მეორე მხრივ, არც ემოციებს მალავენ! ემოციები ინფორმაციაა და არა დირექტივა. ასეთ დროს, ადამიანი გრძნობს ემოციებს, აღიარებს მათ, მაგრამ მხოლოდ მაშინ გამოხატავს, როცა ამისთვის შესაფერისი დრო და ადგილია. ემოციების აღიარება და დასახელება პირველი ნაბიჯია მათი მართვისკენ.
სხვების კრიტიკა? მხოლოდ კონსტრუქციულად!
ემოციურად ინტელექტუალური ადამიანებიც არ ცხოვრობენ კრიტიკის გარეშე – ისინი უბრალოდ იცნობენ განსხვავებას ფასეულ უკუკავშირსა და უბრალოდ კრიტიკას შორის. წარმოიდგინეთ, რომ თქვენი გუნდის წევრმა შეცდომა დაუშვა. როგორ მიუდგებით? „რა ვერ გაიგე ამ დავალებაში?“ – ეს კრიტიკაა. “მოდი, ვნახოთ, რა ისწავლეთ ამ გამოცდილებიდან და როგორ გავაუმჯობესოთ შედეგი“ – ეს უკვე უკუკავშირია. გრძნობთ განსხვავებას?
ჭორაობა
ვინ არ ყოფილა ოფისის ჭორების ობიექტი? სამწუხაროდ, ეს ჩვეულებრივი ამბავია ბევრ სამუშაო გარემოში. ემოციურად ინტელექტუალური ადამიანები კი უარს ამბობენ ამ თამაშში მონაწილეობაზე. ისინი საკუთარი თვალით ნახულს და ყურით მოსმენილს ენდობიან, არა სხვების ინტერპრეტაციებს. გახსოვდეთ, ჭორების კულტურა ნდობას ანგრევს, ხოლო ნდობა ბიზნესის ვალუტაა.
წარუმატებლობა? არა, შესაძლებლობა!
რა რეაქცია გაქვთ, როცა რაღაც ვერ გამოგდით? გრძნობთ, რომ მთელი სამყარო თავზე გენგრევათ? ემოციურად ინტელექტუალური ადამიანები წარუმატებლობას აღიქვამენ, როგორც მონაცემს, არა როგორც განაჩენს. ისინი იცინიან საკუთარ შეცდომებზე, სწავლობენ მათგან და გადადიან შემდეგ გამოწვევაზე. წარუმატებლობა არის მხოლოდ უკუკავშირი და არა ფინალი.
რთული საუბრები
დავფიქრდეთ: რამდენჯერ გადაგიდიათ მნიშვნელოვანი, მაგრამ რთული საუბარი? ყველანი ვაკეთებთ ამას. ემოციურად ინტელექტუალური ადამიანები კი პირდაპირ უყურებენ თვალებში რთულ სიტუაციებს. ისინი ემზადებიან, ირჩევენ სწორ დროს და ადგილს, და მართავენ რთულ საუბრებს ისე, რომ ყველა მხარე პატივცემულად გრძნობდეს თავს. გადავადებული რთული საუბარი სულ უფრო რთულდება დროთა განმავლობაში!
წყენა ძალიან მძიმე ტვირთია
როგორც აღმოსავლური ფილოსოფია გვასწავლის, წყენის ტარება ჰგავს შხამის დალევას იმ იმედით, რომ მეორე ადამიანი მოკვდება. ემოციურად ინტელექტუალურმა ადამიანებმა იციან, რომ წყენა მხოლოდ მათ ენერგიას წვავს. ნაცვლად ამისა, ისინი პატიობენ (არა მეორე ადამიანისთვის, არამედ საკუთარი თავისთვის), სწავლობენ გამოცდილებიდან და მიდიან წინ. ცხოვრება ძალიან მოკლეა იმისთვის, რომ სხვისი შეცდომების მძევალი იყო.
ემოციური ინტელექტი არ არის რაღაც, რაც ან გაქვს, ან არა. ეს არის უნარების ნაკრები, რომელიც შეგიძლია განავითარო ყოველდღიური პრაქტიკით. დაიწყეთ თუნდაც ერთი ჩვევის შეცვლით ამ სიიდან. დააკვირდით, როგორ იცვლება თქვენი პროფესიული და პირადი ურთიერთობები.
წყარო: Fastcompany
