კოსმოსიდან დანახულ დედამიწას ლურჯ მარგალიტად კი აღწერენ, მაგრამ კოსმოსიდანვე თუ მივაახლოებთ კადრს, თვალწინ მკვეთრი ფერები გადაგვეშლება, მწვანე და წითელი დეტალები, ოკეანეები და მრავალფეროვანი ნიადაგები. ეს ყველაფერი გვარწმუნებს, რომ ბუნებაა თავად შემოქმედი და ახლა ამ აზრს ESA-ს აეროფოტოებიც ამყარებს.
წლების მანძილზე სატელიტურ სურათებს Copernicus Sentinel-1-ის, Copernicus Sentinel-2-ისა და Copernicus Sentinel-3-ის მისიების ფარგლებში იღებდნენ. თანამედროვე ინსტრუმენტებით დედამიწის ზედაპირის მაღალი გარჩევადობის ფოტოებს აღბეჭდავენ, რათა თვალი ადევნონ გლობალურ დინამიკას, ამინდსა თუ მცენარეულ საფარს. შედეგად კი, ერთი შეხედვით დაუჯერებელი კადრების მომსწრენი ვხდებით, კლიმტის შემოქმედება რომ უფრო გეგონებათ, ვიდრე კოსმოსიდან გადაღებული სურათები… ახლა კი დროა, მათ სანახავად მოემზადოთ:
