კავშირი და კომუნიკაცია ესთერ თანგის ილუსტრაციების ამოსავალ წერტილს წარმოადგენს. მისი გამორჩეული ნამუშევრები მკვეთრი ფერებითა და ფორმების ოსტატური დამუშავებით ხასიათდება, რასაც ხატვის ტრადიციული ტექნიკისა და ციფრული საშუალებების სინთეზით სრულყოფილად აღწევს. ეს ძლიერი კომბინაცია თითოეულ საგანს განსაკუთრებული ვიზუალით გამოკვეთს, რასაც ემატება ყოველდღიურ გამოცდილებაზე დაფუძნებული ემოციური და სოციალური ნარატივები.
„ჩემი ხელოვნების არსი ემოციებისა და აზრების გაღვივების, ასევე საუბრის წამოწყების უნარში მდგომარეობს. ასე ვთქვათ, იდეებსა და გრძნობებს უბრალო ესთეტიკური მიმზიდველობის მიღმა გამოვხატავ. როგორც ილუსტრატორი, ვგრძნობ პასუხისმგებლობას, მნიშვნელოვან დისკუსიებში ჩავერთო და თანამედროვე კულტურაზე ხელოვნების გავლენა უფრო ხელშესახები გავხადო“, — აღნიშნავს ესთერი.
ამასთან, დასძენს, რომ მის ნამუშევრებს მჭიდრო კავშირი აქვს პირად ემოციებთან. ხმები, ღიმილი, შეხება და ზოგადად მთლიანი გარემო მნიშვნელოვნად მოქმედებს ილუსტრაციებზე, რადგან ესთერისთვის ხატვა სამყაროსთან დაკავშირების საშუალებაა.
