16
Nov
2018

Eurobest-ის გამარჯვებულები ცნობილია! ნახეთ სრული შედეგები

16 Nov 2018

ევროპის სარეკლამო ფესტივალის, „ევრობესტის“ ახალგაზრდული კონკურსის გამარჯვებულები ცნობილია! 22-24 ნოემბერს ვარშავაში, საქართველოს სახელით, ბექა მეფარიშვილისა და მარი სუხიშვილის, ნიკა ხუნდაძისა და მარი გვახარიას გუნდები იასპარეზებენ და ევროპის პირველობისთვის იბრძოლებენ! „ევრობესტის“ ადგილობრივი ღონისძიების ორგანიზატორია კანის ოფიციალური წარმომადგენლობა საქართველოში, პროექტის მხარდამჭერი – TBC – თიბისი. 

I ადგილი – WINDFOR’S – ბექა მეფარიშვილი და მარი სუხიშვილი;
II ადგილი – Mr. Wolf – ნიკა ხუნდაძე, მარი გვახარია
III ადგილი – Vasco & Gama – თამუნა არბოლიშვილი, სოლო წიწუაშვილი.

 
კონკურსანტები ჟიურის დამოუკიდებელმა წევრებმა შეაფასეს:  გიორგი პოპიაშვილი, დიმიტრი ვაჩნაძე, მარიამ ოსეფაშვილი, ნიკა გუჯეჯიანი, ნიკა გვენცაძე, თამარ ბადაშვილი, ნინო ეგაძე, ნინო სურმავა, შოთა ჩინჩალაძე.
„ევრობესტის“ ადგილობრივ ახალგაზრდა კონკურსში, საქართველოს მასშტაბით, მონაწილეები ერთმანეთს კრეატიული საკომუნიკაციო კამპანიის დაგეგმვაში შეეჯიბრნენ. კონკურსში ფასდებოდა კრეატიული კამპანიის დაგეგმვა – ერთიანი კონცეფცია, დროში დაგეგმილი აქტივობები და ა.შ.

შეგახსენებთ, ახალგაზრდული EUROBEST-ის ადგილობრივი შეჯიბრება თბილისში 13 და 14 ნოემბერს გაიმართა, კონკურსის მონაწილეები ერთმანეთს კრეატიული საკომუნიკაციო კამპანიის დაგეგმვაში ეჯიბრებოდნენ. რაც შეეხება ფორმატს, ორკაციანმა გუნდმა (მაგ: კოპირაიტერი, არტდირექტორი), 13 ნოემბერს, ელექტრონული ფოსტის საშუალებით, მიიღო დავალება. დავალების შესასრულებლად – ინტეგრირებული კამპანიის დაგეგმვისთვის 48 საათი ჰქონდათ. მონაწილეებს მათთვის სასურველ, ნებისმიერ სივრცეში შეეძლოთ მუშაობა.

„ევრობესტი“ ევროპის შემოქმედებითი ფესტივალია, რომელიც გამარჯვებულებს რეკლამის, კომუნიკაციისა და სხვა მომიჯნავე სფეროებში ავლენს. პროფესიული და ახალგაზრდული „ევრობესტი“ ევროპის სხვადასხვა ქალაქში ყოველწლიურად ტარდება. შეჯიბრება ჯერ ლოკალურად, მონაწილე ქვეყნებში ტარდება. შემდეგ კი ევროპის სხვადასხვა ქალაქში გამარჯვებულებს შორის კონკურსის წესით საუკეთესო გუნდი ვლინდება.

ყველა ნამუშევრის და ბრიფის სანახავად ეწვიეთ ბმულს

განხილვა