Facebook-მა, შესაძლოა, მიწერის ფუნქცია თავის მთავარ აპლიკაციაში, Messenger-ის გახსნის გარეშე დააბრუნოს. როგორც ჩანს, ამ ეტაპზე, კომპანია აღნიშნულ ფუნქციას ტესტავს. ამის შესახებ ინფორმაციას აპლიკაციების მკვლევარი – Jane Manchun Wong ავრცელებს.
აღნიშნული სიახლის, უფრო კი ძველი ფუნქციის დაბრუნების შემდეგ, მომხმარებლებს მიწერის ფუნქციის გამოყენება და სიახლეების ზოლის დათვალიერება მხოლოდ ერთ აპლიკაციში შესვლით შეეძლებათ. ჩატის ღილაკი, რომელიც Facebook-ის აპლიკაციის მარჯვენა ზედა კუთხეშია განთავსებული, აპლიკაციაშივე გახსნის მესიჯების ველს.
Facebook is bringing the Chats back to the app for preparing integrated messaging
Tip @Techmeme pic.twitter.com/LABK7qrk0e
— Jane Manchun Wong (@wongmjane) April 12, 2019
Messenger, როგორც ცალკე აპლიკაცია, 2014 წელს შეიქმნა. The Verge-ის ინფორმაციით, მიუხედავად, მიწერის ფუნქციის ძირითად აპლიკაციაში დაბრუნებისა, Facebook Messenger ფუნქციონირებას განაგრძობს.
