16
Aug
2019

Facebook რეკლამა სპეციალურად ფილმებისთვის

16 Aug 2019

Facebook, მუდმივად ცდილობს, დამკვეთებს მრავალფეროვანი არჩევანის შესთავაზოს. ამჯერად, პლატფორმაზე სპეციალურად ფილმებისთვის შექმნილი სარეკლამო ფორმატი „გაეშვა“.

The Drum-ი ინფორმაციით, საუბარია ორი ტიპის შეთავაზებაზე: ერთი უკვე გამოსული კინოს სარეკლამო ვიდეოები, მეორე კი მომავალი პრემიერების ანონსებია. ახალი სარეკლამო ფორმატი, სოციალური ქსელის მომხმარებლებს, მათთვის საინტერესო ფილმების მოძებნაში დაეხმარება.

კონკრეტულად რას გულისხმობს ახალი ფორმატი?! პირველი არის “movie reminder ads”, სარეკლამო ველზე ჩნდება “interested” (დაინტერესებული), სადაც განთავსებულია მომავალი ფილმების რელიზები. მისი აქტივაციით, მომხმარებელი ავტომატურად მიიღებს ინფორმაციას, როგორც კი ახალი სურათი ეკრანებზე გამოვა. აქვე შეიძლება კინო-სეანსზე ბილეთების შეძენაც. მეორე “movie showtime ads” კი მომხმარებელს საშუალებას მისცემს უკვე გამოსული ფილმები მოძებნოს და აპლიკაციიდანვე იყიდოს ბილეთები.

„მართალია ეს ფორმატი ჯერ სატესტო რეჟიმშია, მაგრამ რეკლამის დამკვეთები უკვე ხედავენ მის დადებით შედეგებს, ვგულისხმობთ, კინო-ჩვენებების ძებნას და ბილეთების გაყიდვას. მაგალითად, Universal Pictures-მა ერთ-ერთი ბოლო ფილმისთვის – “The Grinch” – რეკლამა “movie showtime ads”-ზე განათავსა და ძალიან კარგი შედეგი ჰქონდა – მნიშვნელოვნად გაიზარდა ფილმის მნახველებისა და გაყიდული ბილეთების რაოდენობა.

“movie reminder ads” და “movie showtime ads”, ამ ეტაპზე, ამერიკასა და ბრიტანეთშია და ნებისმიერი კინო-სტუდიისთვის არის ხელმისაწვდომი.

განხილვა