Facebook, მოზარდებისთვის, ახალ სოციალურ ქსელს ქმნის. გამოცემა TechCrunch წერს, რომ პლატფორმას LOL ქვია და უკვე რამდენიმე თვეა, დამუშავებისა და ტესტირების რეჟიმშია.
გამოცემის ინფორმაციით, LOL-ზე Facebook-ის ჯგუფებიდან, სახალისო ვიდეოები, „გიფები“ და „მემეები“ იქნება თავმოყრილი. გარდა ამისა, მომხმარებელი თვითონაც შეძლებს რგოლების ატვირთვას. აპლიკაციაში კონტენტი, თემატურად დაიყოფა და გადანაწილდება კატეგორიებში: Animals (ცხოველები), For You (შენთვის), Pranks (სახუმარო ვიდეოები) და ა.შ.
Facebook-ის წარმომადგენლებმა აღნიშნული ინფორმაცია დაადასტურეს. მათი თქმით, LOL-ის პროექტი ჯერ საწყის სტადიაზეა. ამიტომ, წინასწარ რთულია საბოლოო ფორმატზე ან გამოსვლის თარიღზე საუბარი. TechCrunch წერს, რომ პლატფორმა, აშშ-ში, სატესტო რეჟიმში, ახლაც მუშაობს.
