in

Facebook ვიდეო პლეირს ანახლებს — მორიგი კონკურენცია TikTok-თან

veon
veon

როგორც ჩანს, Facebook-ს სურს, მეტად მოერგოს ახალგაზრდების მოთხოვნებს და თანამედროვეობისთვის რელევანტური გახდეს. Poking ფუნქციის აღორძინების შემდეგ, Meta-ს საკუთრებაში არსებული ქსელი ახლა ცდილობს, კონკურენცია გაუწიოს TikTok-ს. ამიტომაც, ვიდეო პლეიერს ანახლებს — „კაპიტალური ცვლილება“ ვერტიკალურ დიზაინს ანიჭებს პრიორიტეტს, რომელიც უფრო თანმიმდევრულ გამოცდილებასთან იქნება დაკავშირებული. ამიერიდან ის ერთიანი ინტერფეისით იქნება აღჭურვილი, სადაც ყველა ვიდეო — განურჩევლად სიგრძისა და ტიპისა — სრული ეკრანის ვერტიკალურ ფორმატში გაიხსნება.

მიუხედავად იმისა, რომ ნაგულისხმევად ვერტიკალური ფორმატი იქნება, მომხმარებლები მაინც შეძლებენ სრულეკრანიანი ლანდშაფტის არჩევას; მთავარია, ჰორიზონტალურად იყოს გადაღებული. ამავდროულად, იფუნქციონირებს სლაიდერი, რათა გრძელი ვიდეოების გადახვევა მარტივად შევძლოთ. ხოლო ეკრანზე შეხებით გამოჩნდება დაპაუზებისა და 10-წამიანი გადახვევის ფუნქცია.

დიზაინის ეს არჩევანი ადაპტირდება სოციალური მედიის მოხმარების უფრო ფართო ტენდენციასთან — სულ უფრო მეტად ვიყენებთ სმარტფონებს, ვერტიკალური ფორმატი კი მობილურ გამოცდილებას აუმჯობესებს. შესაბამისად, ზეტ თაობის პრეფერენციებსაც შეესაბამება.

გარდა ამისა, Facebook ინდივიდუალურ ინტერესებსაც გაითვალისწინებს როგორც ვიდეოჩანართში, ისე Feed-ზე.

თავდაპირველად სიახლე მხოლოდ აშშ-სა და კანადაში ამოქმედდება, უახლოეს თვეებში კი გლობალურ ბაზარს მოიცავს.

თიბისი ტექნოლოგიური ეკოსისტემის გაძლიერებისთვის

მეცნიერებმა სიმსივნური უჯრედების 99% მოლეკულების ვიბრაციით გაანადგურეს!