ბრიტანული „Fear Group“-ის დამფუძნებელი სტივენ ფეარი, საქართველოში, ინვესტირებით დაინტერესდა. ეკონომიკისა და მდგრადი განვითარების მინისტრ გიორგი ქობულიასთან შეხვედრისას აღნიშნა, რომ სურს, სამთო – მოპოვებით სექტორსა და საცალო ვაჭრობაში ჩადოს ინვესტიცია, ადგილობრივ ბაზარზე კი მსხვილი სუპერმარკეტების ქსელი შემოიყვანოს.
შეხვედრას ასევე ესწრებოდნენ სტივენ ფეარის შვილი და პარტნიორი ლეონ ფეარი, ეკონომიკისა და მდგრადი განვითარების სამინისტროს სსიპ-ის „აწარმოე საქართველოში“ დირექტორი მიხეილ ხიდურელი და წიაღის ეროვნული სააგენტოს თავმჯდომარე მაია ზავრაშვილი.
