ამბავი ასეთია — ფედერიკო ფელინის დაბადებიდან უკვე საუკუნეზე მეტი გავიდა, მისი მემკვიდრეობის აღსანიშნად კი გამოფენა მოაწყვეს და Ri-tratto Rosso-ს სტუდია კინორეჟისორის ცხოვრებისეული მომენტებით აავსეს. ამბიციურ პროექტს უწოდებენ, რომლის ავტორებიც Cappelli Identity Design, Istituto Luce Cinecittà და Elisabetta Catalano არიან.
დიზაინერისა და Cappelli Identity Design სტუდიის დამფუძნებელი ემანუელ კაპელის შთაგონება ელიზაბეტა კატალონოს პორტრეტები იყო — როგორც ამბობს, მასში წარსული ეპოქის ელემენტები დაინახა და ამან ფელინის სამყაროს მაგიის შექმნისკენაც უბიძგა. გამოფენაზე Felliniana Type-იც წარადგინეს, შრიფტი, რომელიც ფელინის ხელნაწერებითაა შთაგონებული, პატივს მიაგებს მის ხასიათს, ქარიზმასა და მხატვრულ სულისკვეთებას. ბევრი რომ არ გავაგრძელოთ, დანარჩენი თავად ნახეთ:
