in

ISS-ზე ასტრონავტების პირველი კომერციული მისია წარმატებით დასრულდა

veon
veon

ასტრონავტების პირველი კერძო ეკიპაჟი, რომელიც საერთაშორისო კოსმოსურ სადგურს (ISS) ეწვია, უსაფრთხოდ დაბრუნდა დედამიწაზე. ამ ვოიაჟისთვის გუნდმა Crew Dragon-ის კოსმოსური ხომალდი გამოიყენა, ორბიტაზე გადასაყვანად კი SpaceX-მა ეკიპაჟი რაკეტა Falcon 9-ითაც უზრუნველყო.

„კეთილი იყოს თქვენი მობრძანება პლანეტა დედამიწაზე. ვიმედოვნებთ, ისიამოვნეთ კოსმოსში რამდენიმე დღის გატარებით“, — სწორედ ეს ხმოვანი შეტყობინება მიიღეს ეკიპაჟის წევრებმა ორკვირიანი კოსმოსური თავგადასავლის შემდეგ. მართალია, წინასწარი გათვლებით, კერძო მისია ერთ კვირამდე უნდა გაგრძელებულიყო, თუმცა ამინდის მოულოდნელმა გაუარესებამ ვადა ოდნავ გაახანგრძლივა.

გუნდს  მაიკლ ლოპეს-ალეგრია, NASA-ს ყოფილი ასტრონავტი ხელმძღვანელობდა. იგი ამჟამად Axiom Space-ის ვიცე-პრეზიდენტის პოზიციას იკავებს. ხმელეთზე წარმატებით დაბრუნების შემდეგ ეკიპაჟის წევრებმა სამედიცინო შემოწმება გაიარეს და NASA-ში გაგზავნეს, უფრო დეტალური სამედიცინო შემოწმებისთვის.

„ყველა მშვენივრად გამოიყურება და კარგად გრძნობს თავს. მათ ნამდვილად ამაღლებული განწყობა აქვთ“, — აღნიშნა Axiom-ის დირექტორმა, დერეკ ჰასმანმა.

პირველ კერძო მისიას NASA-ს და Axiom-ის წარმომადგენლები კომერციული კოსმოსური საქმიანობის უახლეს გაფართოებას უწოდებენ. ისინი აღნიშნავენ, რომ აღნიშნული მისიით ძალიან მნიშვნელოვანი რამ დაამტკიცეს — მათ „უბრალო“ ეკიპაჟის სათანადოდ მომზადება შეუძლიათ. „ეს ამტკიცებს, რომ ახალი გზა არსებობს დედამიწის დაბალ ორბიტაზე მისასვლელად“. 

მართალია, წარსულში ISS-ზე რამდენიმე კერძო პირის ვიზიტი განხორციელდა, მაგრამ უახლეს მისიას ის გამოარჩევდა, რომ პირველი იყო სრული კომერციული გუნდით. ეკიპაჟმა ორბიტაზე ჩასატარებლად 25 სამეცნიერო და ბიოსამედიცინო ექსპერიმენტი წაიღო.

შესაძლოა, ბიოპრინტერებით ორგანოების დონორების დეფიციტი შეივსოს

#რეკომენდაცია: 5 ღონისძიება, რომელსაც ამ კვირაში უნდა დაესწროთ