in

როგორ აისახება ყოველდღიური ფიზიკური აქტივობა ადამიანის განწყობაზე?

ყველასთვის ცნობილია, რომ ყოველდღიურ ფიზიკურ აქტივობას ძალიან ბევრი დადებითი მხარე აქვს; მათ შორისაა დადებითი გავლენა განწყობაზე. მეცნიერები ფიქრობენ, რომ ვარჯიში შეიძლება ისეთივე ეფექტური იყოს, როგორც ანტიდეპრესანტები მსუბუქი და ზომიერი დეპრესიის სამკურნალოდ.

ვარჯიშს არამარტო შეუძლია დაგვეხმაროს დეპრესიის მკურნალობაში, არამედ ხელი შეგვიშალოს კვლავ დეპრესიაში ჩავარდნაში. ამიტომ მნიშვნელოვანია, რომ ვარჯიშის რეჟიმი შევინარჩუნოთ მას შემდეგაც, რაც განწყობა გაგვიუმჯობესდება.

ჯერჯერობით მეცნიერებას არ აქვს დასკვნა, თუ ზუსტად რომელი ტიპის ვარჯიშია საუკეთესო – ან რამდენად – მაგრამ დღესდღეობით ვიცით, რომ მას ნამდვილად აქვს დადებითი ეფექტი ჩვენს განწყობაზე. ვარჯიშს შეუძლია:

  • გაზარდოს თქვენი ენერგიის დონე;
  • ძილის რეჟიმის მოწესრიგებაში;
  • ხელი შეგიშალოთ უარყოფითი აზრების განვითარებაში, რასაც, როგორც წესი, შემდგომ დეპრესია და შფოთი მოსდევს;
  • ვარჯიში დაგეხმარებათ, გახვიდეთ გარეთ და გქონდეთ კომუნიკაცია სხვებთან მაშინ, როცა თავს მარტოსულად იგრძნობთ;
  • დაგეხმაროთ უფრო მეტად გააკონტროლოთ და გააუმჯობესოთ თქვენი თვითშეფასება;
  • უფრო თამამი იყოთ გამოწვევების მიმართ და ნებისმიერი მცირე მიღწევა კმაყოფილებით მიიღოთ;
  • დაგეხმარებათ გაიქროთ მავნე ჩვევები (თუკი გაქვთ), მაგალითად: ალკოჰოლის მოხმარება, მოწევა და ა.შ

დადებითი კავშირი ვარჯიშსა და განწყობას შორის

ჯერჯერობით ზუსტად არ ვიცით, რატომ არის ვარჯიში ასეთი ეფექტური განწყობის გასაუმჯობესებლად, მაგრამ ვიცით, რომ მას შედეგი ნამდვილად აქვს. ეს შეიძლება გამოწვეული იყოს შემდეგი მიზეზებით:

  • ვარჯიში ეხმარება ქრონიკულ დეპრესიას სეროტონინის გაზრდით (რაც ხელს უწყობს თქვენს ტვინს გუნება-განწყობის, ძილისა და მადის რეგულირებაში) ან ტვინისგან წარმოქმნილ ნეიროტროპულ ფაქტორთან (რაც ხელს უწყობს ნეირონების ზრდას);
  • ვარჯიში ამცირებს იმუნური სისტემის ქიმიკატებს, რამაც შეიძლება დეპრესია გააუარესოს;
  • ვარჯიში ზრდის ენდორფინების დონეს, რომლებიც სიხარულის მომნიჭებელი ჰორმონებია;
  • ვარჯიში დაგეხმარებათ თქვენი ძილის ნორმის ნორმალიზებაში. ჩვენ ვიცით, რომ საკმარის ძილს შეუძლია დაიცვას ტვინი დაზიანებისგან;
  • ვარჯიში ზღუდავს სტრესის გავლენას თქვენს ტვინზე;

ამ ყველაფრიდან დასკვნა ისაა, რომ ბევრ თუ ცოტა (ამას არ აქვს გადამწყვეტი მნიშვნელობა) მუდმივ ვარჯიშს აქვს გუნება-განწყობილების გაუმჯობესების უნარი ნებისმიერი ასაკის ადამიანისთვის. The American Heart Association და American College of Sports Medicine გვირჩევენ კვირის განმავლობაში ხუთი დღე 30 წუთიანი საშუალო ინტენსივობის აერობული აქტივობის ჩატარებას. თუ ეს თქვენთვის ძალიან ბევრია, შეეცადეთ დაიწყოთ 10 – დან 15 – წუთიანი სესიებით და თანდათან გაზარდეთ თქვენი დრო კვირის განმავლობაში.

სავარჯიშო რეჟიმის შემუშავება არამარტო დაგეხმარებათ იმაში, რომ თავი უკეთესად იგრძნოთ, ასევე ძალიან მოიხიბლებით მიღწევის გრძნობით – ეს კი მოგცემთ მოტივაციას, განაგრძოთ ვარჯიში. დღესდღეობით არსებული მდგომარეობის გამო საკმაოდ ბევრი ადამიანი გადავიდა სპორტდარბაზიდან სახლში ვარჯიშზე. სახლში ვარჯიშისთვის არსებობს უამრავი აპლიკაცია, რომელიც თქვენი ერთგვარი ვარჯიშის გიდი იქნება. ამის კარგი მაგალითია Liffit – აპლიკაცია, რომელიც მომხმარებლებს სავარჯიშო პროგრამებს სთავაზობს.

 

ავტორი: თინათინ უგრეხელიძე

24 000 წლის წინ გაყინული მრავალუჯრედიანი ორგანიზმები გაცოცხლდნენ და კლონები წარმოქმნეს

პირველი ტექნოლოგიური სადაზღვევო პროდუქტი საქართველოში – backapp ალდაგისგან