ტელეკომპანია “FOX International Channels”-მა გლობალური რებრენდინგის შესახებ განცხადება გააკეთა.
რებრენდინგი ამერიკის გარეთ 126 ტელეარხსაც შეეხო. ამერიკელმა დიზაინერებმა ერთიანი რებრენდინგი წარმოადგინეს, რომელიც საეთერო გაფორმებას, ლოგოტიპს და ასევე ყველაზე პოპულარული სერიალის აიდენტიკას ეხება.
ტელეკომპანია, მთელ მსოფლიოში სინქრონულ რებრენდინგს სერიალის “The Walking Dead”-ის ახალ ეპიზოდის გამოსვლასთან ერთად განახორციელებს.
კვლევის შედეგად ტელეკომპანია ისევ პირველ ადგილზეა ცნობადობის და მაყურებლის რაოდენობის მიხედვით. ფოქსის გადაწყვეტილებით, ამიერიდან ყველა ქვეყანაში, სადაც მათ მაუწყებლობა აქვთ სერიალების პრემიერა ერთი და იგივე დღეს გაიმართება. სწორედ ეს გახდა გლობალური რებრენდინგის მიზეზი.
ტელეკომპანია სტუდია “21st Century FOX”-ს ეკუთვნის. ყველა გადაცემა თუ სერიალი, რასაც ტელეკომპანია ფოქსი ფლობს მათი საკუთარი ნამუშევარია. ჯამში ბრენდი 300 ტელეარხს ფლობს, მათ შორისაა : FIC FOX, FOX Sports, FOX Life, National Geographic Channel, FIC FOX Movies, FOX Movies Premium, და Star Chinese Movies.
