Zoom-ში ვიდეოზარი თუ თქვენთვისაც იმას ნიშნავს, რომ უკან არსებული სივრცე უნდა მიალაგოთ, თან ეს თუ გეზარებათ ხოლმე, მაშინ სტატია ბოლომდე უნდა ჩაიკითხოთ — 3 ვებგვერდს გაგაცნობთ, რომლებიც თითქმის ნახევარ მილიონ ფონს გვთავაზობს Zoom-ისთვის. ასე რომ, თქვენი გადასაწყვეტია, ბუნებიდან ჩაერთვებით, სახლიდან თუ კოსმოსიდან თანაც ისე, რომ არაფრის დალაგება მოგიწიოთ:
1. Pexels
აქ Zoom-ის სექციაში 450 000-ზე მეტ ფოტოსა და 50 000-ზე მეტ ვიდეოს ნახავთ. ყველაფერია დაწყებული პროფესიონალური ვიზუალებით და დამთავრებული სახალისო ფონებით: ბუნებაც, სახლიც, ოფისიც, კოსმოსიც და ადამიანებიც. არჩევანი რომ გაგიმარტივოთ, ორიენტაციის, ზომისა და ფერების ფილტრს გთავაზობთ, ამასთან, ჩანართს, რომლითაც ყველაზე პოპულარული ან ახალი ვიზუალები შეგიძლიათ, ნახოთ:
2. Unsplash
მართალია, დაახლოებით 10 000 ვიზუალით Pexels ვერ შეედრება, მაგრამ უფრო ნიშურ ვებგვერდად ჩავთვალოთ, რომელიც Zoom-ისთვის სუფთა, მოწესრიგებულ და ხანაც მინიმალისტურ ფონებს გვთავაზობს:
3. Freepik
ზემოთ დალაგება რომ ვახსენეთ, როცა თქვენი ფონის დამალვა დაგჭირდებათ, მაშინ Freepik-ს უნდა მიაკითხოთ. უამრავ მცენარესთან ერთად, ფონის დამალვის მრავალ ვარიანტს გთავაზობთ ისე, რომ რეალობის შეგრძნებაც არ დაკარგოს. მართალია, სულ 4000 ვიზუალს აერთიანებს, მაგრამ დასაწყისისთვის, როცა რაღაც ნეიტრალური გსურთ, მშვენიერი ვარიანტია:
