13
Oct
2019

სკოლა „ჯეჯილში“ ინოვაციების ლაბორატორია FutureLab გაიხსნა

13 Oct 2019

„ჯეჯილში“ ინოვაციების ლაბორატორია FutureLab გაიხსნა. როგორც მისი შემქმნელი კომპანიის, Future Laboratory-ის წარმომადგენლები ამბობენ, პროექტი სკოლის დაკვეთით ხორციელდება და მთავარი მიზანია, სასწავლო დაწესებულებაში განათლების სტანდარტების კიდევ უფრო ამაღლება. ასევე, 21-ე საუკუნეში აუცილებელი უნარ-ჩვევების და მომავლის პროფესიების სწავლების დანერგვა.

„ინოვაციების ცენტრის სტრუქტურა უზრუნველყოფს მოქნილი სასწავლო პროცესების შემოღებას და პროექტული სწავლების “PBL” სისტემის მარტივად განხორციელებას. ასევე, მომავლის სპეციალობების შესწავლას. მაგალითად: ვიზუალური პროგრამირება, რობოტოტექნიკა და სხვა. სკოლის უფროსკლასელები დაეუფლებიან პრაქტიკული მეწარმეობის საფუძვლებს, შექმნიან საკუთარ სტარტაპებს“.

Future Laboratory-ში ამბობენ, რომ ცენტრის შექმნის გარდა, „ჯეჯილს”გადასცეს შესაბამისი სასწავლო მეთოდოლოგიები და გადაამზადეს მისი პერსონალი.

„სკოლის მთავარი მიზანია, შეუსაბამოს სწავლების დონე 21-ე საუკუნის გამოწვევებს და ბავშვებს მაქსიმალურად კონკურენტუნარიანი ცოდნა და უნარები გადასცეს“.

ცენტრის გახსნას „ჯეჯილის” დირექტორი ნინო ჩივაძე და Future Laboratory-ს გენერალური დირექტორი ირაკლი ქაშიბაძე ესწრებოდნენ.

„Future Laboratory ლიდერია ქართულ ბაზარზე, საგანმანათლებლო ინოვაციების დანერგვის კუთხით. ჩვენი კომპანია განათლების სექტორში ახორციელებს კვლევებს, ასევე, მუშაობს სწავლების ახალი მეთოდებისა და ტექნოლოგიების დანერგვაზე“, – ამბობენ Future Laboratory-ში.

[R]

განხილვა