ახალი აპლიკაცია — Lonely Ape Dating Club NFT-ების მფლობელებისთვის შეიქმნა. ადამიანები, რომლებიც კოლექცია Bored Ape Yacht Club-დან NFT-ებს უკვე აგროვებენ, ამ აპლიკაციაში ჩართვას მარტივად შეძლებენ. თუ ვარაუდებს დავუჯერებთ, მას ერთმანეთის გაცნობის მიზნითაც აქტიურად გამოიყენებენ…
„იმისათვის, რომ შემოგვიერთდეთ, თქვენ Bored Ape Yacht Club NFT უნდა გქონდეთ“, — ვკითხულობთ აპლიკაციის ვებგვერდზე. Lonely Ape Dating Club მომხმარებლებს კრიპტო საფულეებისა და საკუთარი NFT-ების დაკავშირების საშუალებასაც აძლევს. ხოლო როცა მაიმუნების JPG გაქვთ, ყურადღების მიპყრობა მეტად მარტივი ხდება.
აპლიკაციაში ე. წ. მატჩიც მოქმედებს, მომხმარებლები კი მაშინ ჯილდოვდებიან, როცა სხვის გვერდებს სტუმრობენ… Coin Digger-ის ფუნქცია კი ორმხრივი სარგებლის მიღების მიზნით, უფრო მაღალი ღირებულების მქონე ინდივიდებთან დაკავშირების საშუალებას მოგცემთ. მეტიც, აქ თქვენს მეგობრებს კრიპტო-რჩევებიც შეგიძლიათ გაუზიაროთ.
