საქართველოში ქალები აუნაზღაურებელი ზრუნვის შრომაზე, მაგალითად, სახლის დალაგებაზე, საჭმლის მომზადებაზე, ბავშვისა და მოხუცის მოვლაზე, 5-ჯერ მეტ დროს ხარჯავენ ვიდრე კაცები. ეს წელიწადში დაახლოებით 2,5 მილიარდი საათი და 10 მილიარდი ლარია. ზრუნვის შრომის გარეშე, ნებისმიერი ოჯახისა თუ საზოგადოების ცხოვრება წარმოუდგენელია, თუმცა მას შრომას იშვიათად უწოდებენ. შეუმჩნეველი რჩება ქალების ძალისხმევაც, მიუხედავად იმისა, რომ დროის ასეთი არათანაბარი გადანაწილება ნეგატიურად უპირველესად მათ პროფესიულ რეალიზებაზე, განვითარებასა და ცხოვრების ხარისხზე აისახება.
გაეროს ქალთა ორგანიზაციამ და სააგენტო ლივინგსტონმა, ამ საკითხის გარშემო ცნობიერების ამაღლების მიზნით, კამპანია წამოიწყეს, რომელსაც შეუერთდნენ ქართული ბრენდები [VELI, Alta, Pharmadepot]. დეტალებზე მათ წარმომადგენლებს ვესაუბრეთ.
გაეროს ქალთა ორგანიზაციის საქართველოს წარმომადგენლობა: ეს კამპანია, ისევე როგორც ჩვენი სხვა კამპანიები, კვლევებსა და სტატისტიკურ მონაცემებს ეყრდნობა. ჩვენი ორგანიზაციის მიერ ჩატარებული კვლევები გვაჩვენებს, რომ საქართველოში აუნაზღაურებელი ზრუნვის შრომის უდიდეს ნაწილს ქალები ასრულებენ. სამწუხაროდ, ეს შრომა არ არის სათანადოდ აღიარებული, დაფასებული და გადანაწილებული ქალებსა და კაცებს შორის. ქალები 5-ჯერ მეტ დროს ხარჯავენ ზრუნვის შრომაზე, ისინი ყოველდღიურად საშუალოდ 3.4 საათს უთმობენ საოჯახო საქმეებს, ხოლო კაცები მხოლოდ 0.7 საათს.
კვლევა კაცებისა და ქალების მიერ აუნაზღაურებელი ზრუნვის შრომაში დახარჯულ დროს ერთმანეთს ადარებს და რეალურ უთანასწორობას გვაჩვენებს. ეს კამპანიაც ქალებსა და კაცებს შორის ზრუნვის სასურველ თანაბარ გადანაწილებაზეა აგებული, იქნება ეს სახლის დალაგება, მოხუცზე ზრუნვა, და-ძმას შორის შრომის გადანაწილება, ცოლ-ქმარს შორის ბავშვის მოვლაში ჩართულობა თუ სხვა.
კამპანიით გვინდა გაიზარდოს ცნობიერება იმ პრობლემის შესახებ, რომელიც საქართველოს მოსახლეობის უმრავლესობას აწუხებს და მთლიანად საზოგადოებაზე მოქმედებს. უპირველესად, ეს პრობლემა არის ის, რომ ზრუნვის შრომას, ხშირად, შრომად საერთოდ არ აღიქვამენ. გვინდა, კამპანიის მეშვეობით, ადამიანებმა შეამჩნიონ ეს შრომა, გაიაზრონ, რამდენად ყოვლისმომცველია ის და მეტი ყურადღება დაუთმონ ზრუნვის შრომის გადანაწილებაზე ფიქრს. ამას გარდა, მნიშვნელოვანია, ამ თემაზე საუბარი ბევრმა ადამიანმა დაიწყოს, საკუთარ ოჯახში ზრუნვის შრომის თანაბარ გადანაწილებაზე იზრუნოს და სხვებისთვის მაგალითადაც იქცეს.
აღსანიშნავია, ისიც, რომ ეს კომპლექსური საკითხია და გვინდა, საზოგადოებამ გაიგოს, რომ აუნაზღაურებელი ზრუნვის შრომის თანაბარ გადანაწილებაში საკუთარი როლის აქვს სახელმწიფოსა და კერძო სექტორსაც. უნდა გაიზარდოს სახელმწიფო ზრუნვის სერვისებზე, მაგალითად, საბავშვო ბაღებზე, დღის ცენტრებზე, გახანგრძლივებულებსა და შინ მოვლის მომსახურებებზე ხელმისაწვდომობა, კერძო სექტორს კი, რომელიც საქართველოში ყველაზე მსხვილი დამსაქმებელია, შეუძლია, მშობლის შვებულების კარგი პრაქტიკა და მოქნილი სამუშაო გრაფიკი დანერგოს.
M: რისგან შედგება კამპანია და რა არის მისი მიზანი?
კამპანია მოიცავს სოციალური მედიისთვის შექმნილ მულტიმედია კონტენტს: რეალურ სცენებზე აწყობილი ანიმაცია, ილუსტრაციები თუ საგანმანათლებლო ვიდეოები. კამპანიის მნიშვნელოვანი ნაწილია საინტერესო კოლაბორაციები ისეთ ბრენდებთან, რომელთა პროდუქტები და სერვისები ააუნაზღაურებელი ზრუნვის შრომას უკავშირდება. , კონტენტი აუდიტორიას უზიარებს ისტორიებს სიყვარულის ფორმებზე, რომლებიც ჩვენი ქვეყნის მრავალფეროვან ოჯახებში გვხვდება და ნათლად წარმოაჩენს, რამდენად არათანაბრადაა გადანაწილებული აუნაზღაურებელი ზრუნვის შრომა საქართველოში.
ეს კონტენტი გვეხმარება, კვლევებზე დაყრდნობით მიღებული შედეგები მარტივი, გასაგები და იმავდროულად წამახალისებელი ფორმით მივაწოდოთ საზოგადოებას.
ლივინგსტონის კონცეფციის ფარგლებში, VELI STORE-ის, Alta-სა და Pharmadepot-ს ჩართვა კამპანიაში ჩვენს სათქმელს კიდევ უფრო ფართო აუდიტორიასთან მიიტანს, რადგან კამპანია ციფრულ ჩარჩოებს გასცდება და ადამიანებს სახლში გამოძახებულ შეკვეთებთან ერთად, დახლებზეც დახვდებათ გზავნილი, რომლის გადმოცემაც გვსურს – ოჯახში სიყვარულია, როცა ზრუნვის შრომა თანაბრადაა გადანაწილებული, რადგან ის მხოლოდ ქალების საქმე არ არის.
თათია დოლიძე, ლივინგსტონის კრეატიული დირექტორი: როგორც კვლევებიდან ჩანს, საქართველოში ზრუნვის შრომის გადანაწილებასთან დაკავშირებით სახარბიელო სურათი არ გვაქვს. როგორც კი ბრიფი მივიღეთ და ამ დიდ უთანასწორობას წავაწყდით, მივხვდით, რომ ძალიან სტრატეგიულად და ფაქიზად უნდა გვემუშავა ამ თემაზე, რადგან მის ირგვლივ, როგორც წესი, ბევრი ურთიერთგამომრიცხავი აზრი და სტერეოტიპი ტრიალებს “ქალის საქმის” და “კაცის საქმის” აზრსმოკლებული და მოძველებული დაყოფით.
შესაბამისად, კონცეფცია, რომლის ქვეშაც იდეა განვითარდებოდა მაქსიმალურად მყარი, ყველასთვის გასაგები, სასურველი და მოსმენადი უნდა ყოფილიყო. ამიტომაც, “სიყვარულის ენა” ავარჩიეთ. კამპანიის მთავარი იდეაა, ზრუნვის შრომა და მისი გადანაწილება დააიდენტიფიციროს, როგორც სიყვარულის გამოხატვის უმნიშვნელოვანესი ფორმა. სამიზნე აუდიტორიის ხანგრძლივი მოკვლევის შემდეგ შევადგინეთ არაერთი ილუსტრაცია, რომელიც რეალური ოჯახების ისტორიებზეა დაფუძნებული და ისინი საზოგადოებას გავუზიარეთ. თითოეულ სცენაში სიყვარულის გამოხატვის სხვადასხვა ფორმაა აღწერილი – ზოგისთვის ეს ბავშვის დაძინებაზე ზრუნვაა, ზოგისთვის მოხუცისთვის წამლების დალევის შეხსენება – გააჩნია ოჯახს და გააჩნია პასუხისმგებლობებს. მთავარი ისაა, რომ ჩვენს კამპანიაში ის სასურველი რეალობა ვაჩვენეთ, სადაც შრომა თანაბრადაა გადანაწილებული ქალებზეც და კაცებზეც.
კამპანიის მესიჯის მთავარი ფორმულაა: ოჯახში სიყვარულია, როცა… [სახლის საქმეს თანაბრად ინაწილებთ], ხოლო სხვადასხვა ილუსტრაციისთვის შექმნილი ტექსტები გვაჩვენებს, რამდენი ტიპის ზრუნვის შრომა არსებობს სხვადასხვა ოჯახში და როგორ შეიძლება ეს შრომა სამართლიანად იყოს გადანაწილებული ოჯახების, ქალების, კაცების, მოხუცების თუ ბავშვების კეთილდღეობისთვის. გვჯერა, რომ სიყვარულის სახელით, ურთიერთპატივისცემით და პოზიტიური განმტკიცებით ამ პრობლემის გადაჭრასაც შევძლებთ.
კამპანიის მნიშვნელოვანი ნაწილი კოლაბორაციებია, ძალიან გაგვიხარდა, რომ VELI STORE, Alta და Pharmadepot აგვყვნენ ამ ინიციატივაში და დაგვეხმარნენ, რომ კამპანია კიდევ უფრო მეტ ადამიანთან ინდივიდუალურადაც მიგვეტანა, გამორჩეული ფორმებით. გვაქვს მოლოდინი, რომ სხვა ბრენდებიც ჩაერთვებიან ამ კეთილ საქმეში.
M: რატომ გადაწყვიტეთ კამპანიაში ჩართვა და რა სახის იყო თქვენი აქტივაცია?
VELI.store-ის წარმომადგენლები: VELI.store პოზიტიურ გავლენაზე ორიენტირებული ბრენდია, რომელიც ყოველთვის ცდილობს თავისი რესურსით წვლილი შეიტანოს კორპორაციული სოციალური პასუხისმგებლობის აქტივობებში. ქალების მხარდაჭერის მიმართულებით აქტიური მუშაობაც ამ მისიას ემსახურება – ამის ერთ-ერთი მაგალითია კამპანია “ქალების მხარდაჭერის ველი”, რომელიც მიზნად ქალი მეწარმეების ბრენედების ცნობადობის გაზრდას ისახავდა. ველიში გვჯერა, რომ ეკონომიკაში მნიშვნელოვანია გენდერული ბალანსი, რომელშიც ბიზნესი დიდ როლს თამაშობს. სწორედ ამიტომ მორიგი თანამშრომლობა გაეროს ქალთა ორგანიზაციასთან აუნაზღაურებელი ზრუნვის შრომის კამპანიის ფარგლებში ბრენდის მხრიდან ბუნებრივი და ლოგიკური გადაწყვეტილება იყო.
კამპანიაში “გადაინაწილე ზრუნვა” ველიმ წვლილი თავისი ყველაზე გამორჩეული საკომუნიკაციო არხის – ველის ყუთის გამოყენებით შეიტანა. კომუნიკაციის ფარგლებში, 1 კვირის განმავლობაში შეკვეთებს მოყვებოდა საინფორმაციო ბარათი და სტიკერი აუნაზღაურებელი ზრუნვის შრომის შესახებ, ამ ფორმატით შევძელით მთავარი სათქმელი თითოეულ ადრესატამდე ინდივიდუალურად “მიგვეტანა”.
M: რას ნიშნავს თქვენთვის ამ კამპანიაში მონაწილეობა და რატომ ფიქრობთ რომ ალტას ჩართულობა მნიშვნელოვანი იყო?
მოხარული ვართ, რომ ვუერთდებით დაუფასებელი შრომის აღიარების კამპანიას საქართველოში, რადგან ვფიქრობთ, რომ ქალების მიერ საოჯახო საქმეებში ჩადებული ძალისხმევა შეუმჩნეველი არ უნდა იყოს. გვინდა, რომ ცნობიერების ამაღლების ამ უმნიშვნელოვანეს ინიციატივას ჩვენი ტექნიკით შევუწყოთ ხელი და წვლილი შევიტანოთ თანასწორუფლებიანი და განვითარებული საზოგადოების ჩამოყალიბებაში.
კამპანიის მხარდასაჭერად, ალტას მაღაზიების სალაროებთან განთავსებულია სპეციალური ბარათები, რომლებიც მიზნად ისახავს ცნობიერების ამაღლებას. ბარათებზე მოცემულია ინფორმაცია შრომის გადანაწილებაზე ოჯახის წევრებს შორის და საქართველოში ქალების ყოველდღიური შრომის აღიარების მნიშვნელობაზე, რომელიც ხშირად უყურადღებოდ რჩება და სათანადოდ ვერ ფასდება. გარდა ამისა, აქტიურად გვაქვს კომუნიკაცია ალტას სოციალურ პლატფორმებზე, სადაც მომხმარებლებს ვუზიარებთ ინფორმაციას კამპანიის შესახებ.
M: რატომ გადაწყვიტეთ კამპანიაში ჩართვა და რა სახის იყო თქვენი აქტივაცია?
„ალტას“ წარმომადგენლები: ჩვენთვის, როგორც მომხმარებლის ზრუნვაზე ორიენტირებული და პასუხისმგებლიანი სააფთიაქო ქსელისთვის, განსაკუთრებით მნიშვნელოვანია ისეთ სოციალურ აქტივობებში ჩართულობა, რომლებიც საზოგადოების ცნობიერების ამაღლებას ემსახურება და უკეთესობისკენ ცვლის მას.
ჩვენ ყოველთვის ვეძებთ გზებს, რათა გავხდეთ საზოგადოებისთვის მეტი ღირებულების შემქმნელნი. ამიტომ, ეს თანამშრომლობა ჩვენთვის წარმოადგენს შესაძლებლობას, ვიყოთ იმ ცვლილების ნაწილი, რომელიც ზრუნვისა და თანასწორობის ღირებულებათა სისტემის განმტკიცებას უწყობს ხელს. ეს კი ბუნებრივი გაგრძელებაა ჩვენი გზავნილის – ზრუნვით იცვლება სამყარო.
M: რა თემატიკის ვობლერები დახვდებათ ადამიანებს ფილიალებში და რატომ?
„ფარმადეპოს“ წარმომადგენლები: ფილიალებში მომხმარებლებს დახვდებათ ილუსტრაციები, რომლებიც ვიზუალური გზით ასახავს სიყვარულის გამოხატვის სხვადასხვა ფორმას. თითოეული მესიჯი ხაზს უსვამს იმას, რომ ერთმანეთის ჯანმრთელობაზე ზრუნვა, მშვიდი ძილის ხელშეწყობა, უერთიერთსაჭიროებებზე ფიქრი და შეხსენება ოჯახში არსებული ძლიერი ემოციური კავშირისა და სიყვარულის შედეგია.
Client – UN Women
Agency – Leavingstone
Creative Chairman – Levan Lepsveridze
Creative Director – Tatia Dolidze
Senior Copywriter – Sophie Ivanishvili
Art Director – Magda Dumbadze
Strategy Director – Mariam Menteshashvili
Head of Design – Matasi Sulakauri
Design Team – Giorgi Jinoridze, Eka Vekua, Nikita Mtchedlishvili, Luka Shvelidze
Design Team Project Manager: Ana Chkonia
Account Director – Ekaterine Ebanoidze, Zizi Nasrashvili
Account Manager – Keti Matcharashvili
Administrative Team – Pikria Javashvili, Ana Javakhishvili
CEO – Erekle Zurmukhtashvili
Head of Digital Advertising Unit – Anika Gavasheli
Senior Digital Advertiser – Elene Tsurtsumia
Music & Sound – Heima Production
[პარტნიორის კონტენტი]
