თუ გალერია თბილისს ხშირად სტუმრობთ, ლოიალობის აპლიკაცია აუცილებლად უნდა გამოიყენოთ. მომხმარებლების გამოცდილების გასაუმჯობესებლად, Loyal სულ ცოტა ხნის წინ გამოჩნდა ციფრულ სივრცეში და სავაჭრო ცენტრის სტუმრებს ახალ გამოცდილებას სთავაზობს.
სისტემა მომხმარებელს საშუალებას აძლევს, სავაჭრო ცენტრის მაღაზიებში, გასართობ, სერვის ობიექტებში და პარკინგზე გადაიხადოს აპლიკაციის მეშვეობით, დააგროვოს ქეშბექი ქულების სახით და დაგროვილი ქულებით გადაიხადოს სისტემაში ჩართულ ობიექტებში. დანახარჯის ზრდასთან ერთად, მომხმარებელი გადადის ახალ დონეებზე, რის შედეგადაც მას ეზრდება ქეშბექის პროცენტი და იღებს უკეთეს პერსონალურ შეთავაზებებს. აპლიკაციის მეშვეობით შესაძლებელია პარკირების ადგილის მონიშვნაც, მანქანის მარტივად მისაგნებად.
აპლიკაცია გალერია თბილისში განთავსებულ 40-მდე ობიექტს აერთიანებს და მომხმარებლებს უფრო მოქნილი შეთავაზების მიღებაში ეხმარება. Loyal უკვე ხელმისაწვდომია iOS-სა და ანდროიდზე. Loyal-ის უკეთ გასაცნობად, გალერია თბილისის დირექტორს, ნიკა ცინცაძეს გავესაუბრეთ.
M: რამ გიბიძგათ ლოიალობის აპლიკაციის დანერგვისკენ?
შევიმუშავეთ ახალი სტრატეგია, რომლითაც მომხმარებლები სავაჭრო ცენტრის გამოყენების ახალ ეტაპზე გადაგვყავს – მათ სრულიად ახალ გამოცდილებას ვთავაზობთ. აღნიშნული პროდუქტის დანერგვაც კომპანიის სტრატეგიის ნაწილია.
ბუნებრივია, პროექტის დაწყებას წინ უძღოდა ბაზრის კვლევა, ვაკვირდებოდით მომხმარებლის ქცევას, სხვადასხვა აქტივობაში მათ ჩართულობას. მივხვდით, რომ ის, რასაც აქამდე მომხმარებლებს სავაჭრო ცენტრებში ვთავაზობდით, საკმარისი არ იყო. დროთა განმავლობაში მომხმარებელი უფრო მომთხოვნი გახდა, თუნდაც მეტი კომფორტის კუთხით. თუ რამდენიმე წლის წინ, ერთ სივრცეში ბევრი სხვადასხვა ტიპის ობიექტის არსებობა სიახლე იყო, ახლა ეს უკვე საკმარისი აღარაა, მომხმარებელს მხოლოდ ეს აღარ აკმაყოფილებს. გაზრდილი მოთხოვნის საპასუხოდ, ისეთი სისტემის შექმნა გადავწყვიტეთ, რომელიც ერთი მხრივ სავაჭრო ცენტრის გამოყენების პროცესს გახდიდა ბევრად უფრო კომფორტულს და მეორე მხრივ, ჩვენს მომხმარებელს მისცემდა რეალურ სარგებელს. LOYAL-ის მიზნობრივი აუდიტორია სწორედ სავაჭრო ცენტრის ერთგული მომხმარებლები არიან – ისინი, ვინც წლების განმავლობაში მოდიან საშოპინგოდ, სახლის საყიდლებზე, გასართობად, წასახემსებლად თუ სხვადასხვა სერვისის მისაღებად.
პროდუქტის შექმნამდე ბევრი ვიმსჯელეთ, შევისწავლეთ საუკეთესო პრაქტიკები საერთაშორისო ბაზარზე, მოლაპარაკებებს ვაწარმოებდით, როგორც საერთაშორისო, ისე ადგილობრივ კომპანიებთან.
აღსანიშნავია, რომ სავაჭრო ცენტრში, სადაც ბევრი სხვადასხვა ობიექტია თავმოყრილი, ლოიალობის ავტომატიზებული სისტემის დანერგვა საკმაოდ რთული გამოწვევა იყო. მაღაზიებისა და ქსელების შემთხვევაში, სადაც ერთიანი საგადახდო სისტემა მოქმედებს, ეს გაცილებით მარტივი ამოცანაა. საბოლოოდ, რამდენიმეწლიანი მუშაობის შედეგად, ვფიქრობთ, მომხმარებლების ინტერესებზე მაქსიმალურად მორგებული მოდელი შევიმუშავეთ. შესაბამისად, შეგვიძლია ვთქვათ, რომ მომხმარებლებისთვის სავაჭრო ცენტრში შოპინგი, გართობა და სხვადასხვა სერვისის მიღება გაცილებით უფრო სასიამოვნო და კომფორტული გახდა, ვიდრე აქამდე იყო.
M: როგორ მიმდინარეობდა კონცეფციის ჩამოყალიბების პროცესი?
პროცესი ძალიან კომპლექსური იყო, რადგან მოიცავდა ბევრ სხვადასხვა ასპექტს: დეველოპმენტი, UX/UI დიზაინი, სამართლებრივი, ფინანსური, საგადასახადო საკითხები, საბანკო სერვისის ინტეგრაცია, მოიჯარეებთან მოლაპარაკება და ა.შ.
გარდა ამისა, შევქმენით ახალი ბრენდი – LOYAL. შევიმუშავეთ როგორც სტრატეგიული, ისე ვიზუალური ბრენდინგი. ამის შემდეგ დავიწყეთ საკომუნიკაციო კამპანიაზე მუშაობა, რომელიც ახლა მიმდინარეობს და სხვადასხვა საკომუნიკაციო არხს მოიცავს. საბოლოოდ, ვფიქრობთ, მომხმარებელს ძალიან დასამახსოვრებელი და თანამედროვე ბრენდი წარვუდგინეთ.
M: კონკრეტულად, რა სარგებელს სთავაზობს მომხმარებლებს ეს აპლიკაცია?
LOYAL-ის ერთ-ერთი მთავარი ფუნქციონალი არის ქეშბექის დაბრუნება. მომხმარებელი რეგისტრირდება აპლიკაციაში, ამატებს საბანკო ბარათს (ნებისმიერ ბარათს, გარდა American Express-ისა, School Card-ისა და უცხოური ბარათებისა) და სისტემაში ჩართულ ობიექტებში იხდის აპლიკაციის საშუალებით. LOYAL-ში ჩართულ ობიექტებში განთავსებულია სპეციალური პლანშეტები, გადახდის დროს მოლარე აგენერირებს QR კოდს, რომელსაც შემდეგ მომხმარებელი ასკანერებს, ადასტურებს ტრანზაქციას და იბრუნებს ქეშბექს ქულების სახით.
ქულების გამოყენება შესაძლებელია ლოიალობის სისტემაში ჩართულ ობიექტებში და პარკინგზე. ქულებით გადახდის დროს მომხმარებელი ნიშნავს „ქულებით გადახდის“ ღილაკს. 1 ქულა = 1 ლარს, შესაბამისად, დაგროვილი ქულების ოდენობის დასადგენად ზედმეტი კალკულაცია არ არის საჭირო.
დანახარჯის ზრდასთან ერთად, მომხმარებელი გადადის ახალ დონეებზე, რის შედეგადაც მას ეზრდება ქეშბექის პროცენტი და იღებს უკეთეს პერსონალურ შეთავაზებებს. ეს შეიძლება იყოს კინოს ბილეთები, ვაუჩერები, საჩუქრები, გაზრდილი ქეშბექის პროცენტი კონკრეტული დროით კონკრეტულ ობიექტში და ა.შ.
M: დამატებით, რა სერვისებს უზრუნველყოფს ლოიალობის აპლიკაცია?
აპლიკაციის ძალიან მნიშვნელოვანი ნაწილი არის პარკინგის სერვისები. აქამდე მომხმარებელი პარკირების საფასურს იხდიდა სავაჭრო ცენტრიდან პარკინგზე გასასვლელ სივრცეში განთავსებული აპარატის მეშვეობით, ამ შემთხვევაში მას ბარათი თან უნდა წაეღო, ან გასვლის მომენტში გადაეხადა, რაც პარკინგზე საცობს ქმნიდა. ახლა პროცესი ბევრად გამარტივდა. მომხმარებელი გასვლის წინ, მანქანაში ჩაჯდომის დროს აპლიკაციით ასკანერებს პარკირების ბარათს და იხდის ძალიან მარტივად, ამასთან იბრუნებს საკმაოდ მაღალ ქეშბექს – 20%-30%-40%-ს დონეების მიხედვით.
გადახდის გარდა, მომხმარებელს შეუძლია პარკირების ადგილის მონიშვნა, მანქანის მარტივად მისაგნებად. საპარკინგე ადგილის ზემოთ განთავსებულია აბრა, რომელზეც დატანილია QR კოდი, მომხმარებელი აპლიკაციით ასკანერებს კოდს და შესაბამისი სართული და ადგილი აპლიკაციაში ისახება.
ასევე, სავაჭრო ცენტრში მოსვლამდე პარკინგზე თავისუფალი ადგილების შემოწმებაც შესაძლებელია.
ასევე გასათვალისწინებელია, რომ აპლიკაციაში მომხმარებელს შეუძლია შეძენილი პროდუქციის დაბრუნება (თუ კონკრეტულ მაღაზიაში დაბრუნების წესი მოქმედებს). სისტემაში გათვალისწინებულია ყველა მაღაზიისა და ობიექტის შესაბამისი დაბრუნების პოლიტიკა. მაგალითად, თუ X ობიექტში შეძენილი პროდუქციის დაბრუნება 5 დღის განმავლობაშია შესაძლებელი, ეს დრო აპლიკაციაში გათვალისწინებულია. დაბრუნების ვადის გადამოწმება ამა თუ იმ ტრანზაქციის ველში შესვლით შეიძლება. აქვე გასათვალისწინებელია, რომ აპლიკაციით გადახდისას ქულები მას შემდეგ აისახება, რაც კონკრეტულ ობიექტში დაბრუნების ვადა გავა.
M: როგორაა განაწილებული დონეები?
I დონე მომხმარებელს ენიჭება სრულყოფილი რეგისტრაციის მომენტიდან და მას ამ დონის სარგებლის მისაღებად არანაირი დანახარჯი არ სჭირდება.
ქეშბექის პროცენტები:
– 3%-6% მაღაზიებში (მაღაზიების ნაწილს ფასდაკლებულ პროდუქციაზე აქვს 3%-იანი, ხოლო ახალ კოლექციაზე – 6%-იანი ქეშბექი, ნაწილს კი – სრულ კოლექციაზე 3%-იანი ქეშბექი)
– 20% რია-რიაში
– 20% პარკინგზე
II დონე მომხმარებელს ენიჭება რეგისტრაციის მომენტიდან ან ნებისმიერი მომდევნო 1 წლის მანძილზე სისტემაში ჩართულ ობიექტებში 5,000 ლარის დახარჯვისას.
ქეშბექის პროცენტები:
– 5%-10% მაღაზიებში
– 30% რია-რიაში
– 30% პარკინგზე
III დონე მომხმარებელს ენიჭება II დონის მიღწევიდან 1 წლის მანძილზე სისტემაში ჩართულ ობიექტებში დამატებით 10,000 ლარის დახარჯვისას (ჯამში 15,000 ლარის დახარჯვისას)
ქეშბექის პროცენტები:
– 10%-20% მაღაზიებში
– 40% რია-რია-ში
– 40% პარკინგზე
გარდა ამისა, როგორც უკვე აღვნიშნე, მომხმარებელი იღებს დონის შესაბამის პერსონალურ შეთავაზებებს.
M: როგორ გეგმავთ აპლიკაციის განვითარებას?
ჩვენი მთავარი მიზანი სისტემაში ჩართული ბრენდების რაოდენობის გაზრდაა. მოცემულ ეტაპზეც ვმუშაობთ აღნიშნულ საკითხზე და იმედი გვაქვს, LOYAL-ის ჩამონათვალში მომხმარებელი მალე კიდევ უფრო მეტ ობიექტს იხილავს.
გარდა ამისა, ვაკვირდებით მომხმარებლის ქცევას – როგორ იყენებს აპლიკაციას, რა ფუნქციონალებით სარგებლობს და ა.შ. აპლიკაციაში გათვალისწინებულია კითხვარიც და გარკვეული პერიოდის შემდეგ, მომხმარებელს თავიანთი მოსაზრების გაზიარებას ვთხოვთ, რის შემდეგაც შესაბამის ცვლილებებს დავნერგავთ.
[R]
