„გაიღიმე, რადგან როდესაც იღიმი, სამყარო მრავალფეროვნდება” – GAU-ს საახალწლო გზავნილი

GAU-ში სჯერათ, რომ განწყობა გადამდებია და მას შეუძლია კონკრეტული ქმედებისა თუ მოვლენის განმსაზღვრელი გახდეს. ამიტომ ცდილობენ, საკუთარი განწყობები პოზიტიურ, ძლიერ ენერგეტიკას დააფუძნონ და გარშემო ისეთი მუხტი შექმნან, რომელიც გამრავალფეროვნების საშუალებას მისცემთ, მუდმივად საკუთარი თავის ძიებასა და სამყაროსთან ურთიერთობის იმ გზაზე იდგებიან, რომელიც გუნდში მამოძრავებელ ძალს დაბადებს.

2022 წელს, ქართულ-ამერიკული უნივერსიტეტი რეკორდული რაოდენობის სტუდენტებთან ერთად, საახალწლო დეკორაციებითა და GAU ბენდის მსოფლიო ქავერების მუსიკალური კლიპით აჯამებს და კიდევ უფრო მრავალფეროვან და მასშტაბურ 2023 წელს გეგმავს.

განწყობებს ქმნიან ემოციები, ემოციებს კი იწვევენ კონკრეტული ქმედებები. ახალი წლის  მთავარ ქმედებად კი, GAU-მ ღიმილი შეარჩია, რადგან როდესაც იღიმი სწორედ მაშინ მრავალფეროვნდება სამყარო, როდესაც იღიმი, მაშინ მოდის ახალი წელი და როდესაც იღიმი, სწორედ მაშინ ხდება შესაძლებელი ყველაფერი. ამიტომ მარტივად – გაიღიმე და გჯეროდეს, რომ ამ ერთი ქმედებით დასაბამს უდებ დაუსრულებელ შთამბეჭდავ ტალღას, რომელიც ბევრი ადამიანის ისტორიის ნაწილი გახდება. ისტორიაც ხომ კონკრეტული მოვლენებისგან შედგება და, როგორც უკვე ვთქვით, მოვლენებს ხომ თავად ჩვენ ვქმნით.

„GAU გილოცავთ შობა-ახალ წელს! გაიღიმე, გაუმრავალფეროვანდი და გახდი გადამდები”.

[R]