ხშირად ჩანაწერების ქავერებსა და ალბომის გარეკანებს ხელოვნებისა და კომერციის შეხვედრის წერტილად მოიაზრებენ — ანუ მომენტად, სადაც აშკარა თანამშრომლობაა კონკრეტულ ვიზუალურ ხელოვანსა და მუსიკოს(ებ)ს შორის.
Gee Vaucher კი ერთ-ერთი ყველაზე გამორჩეული ხელოვანია ალბომების დიზაინის მიმართულებით. როგორც ამბობენ, ის ერთ-ერთი პირველი იყო, ვინც 1970-იან და 1980-იან წლებში საპროტესტო პანკის ხელოვნება განსაზღვრა. ბენდებს შორის, ვისთვისაც მან ქავერები შექმნა, იყო ანარქო-პანკი Crass. ასევე, აქტიურად თანამშრომლობდა ჯგუფის წევრ პენი რემბოსთან ხელოვნების ნიმუშებზე, როგორიცაა სპექტაკლები — მათ შორის, ოქსფორდის თანამედროვე ხელოვნების მუზეუმში.
