in

როგორ გადაიქცნენ „ზეტ თაობის” სოციალური მედიის მენეჯერები CMO-ებად

ზარია პარვეზი Duolingo-ს 2021 წლის სექტემბერში შეუერთდა და როდესაც ოფისს ესტუმრა, ერთ მაგიდაზე ადამიანის ზომის მწვანე და ნარინჯისფერი ბუების კოსტიუმი შენიშნა. პანდემიამდე ეს კოსტიუმი მხოლოდ აპლიკაციის პოპულარიზაციისთვის დაგეგმილ ღონისძიებებზე გამოიყენებოდა, მაგრამ პარვეზს გაუჩნდა იდეა. მან შექმნა Duo – ბუ, რომელიც ცოტა თავხედია, დასცინის Google Translate-ის მომხმარებლებს და განიცდის, რომ მისი სახელი დუა-ლიპას ჰგავს.

გამოჩენიდან ცოტა ხანში დუომ 5.2 მილიონზე მეტი მიმდევარი მოიპოვა და Ad Age-ის მიერ წლის სოციალური მარკეტინგის ჯილდო გადაეცა. ამ ყველაფერმა 24 წლის პარვეზს ბრენდინგის მცოდნე სპეციალისტის რეპუტაცია მოუტანა. ის იქცა ერთ-ერთ იმ იშვიათ ახალგაზრდა თანამშრომლად სოციალური მედიის სფეროდან, რომელმაც TikTok-ის მეტეორული ზრდის წყალობით, ლიდერობა მოიპოვა და გახდა მაგალითი იმისა, თუ როგორ შეცვალა „ზეტ თაობამ” და ახალმა მიდგომებმა მარკეტინგის განყოფილება. 

მსგავსი მაგალითები უკვე მრავლად მოგროვდა და შეგვიძლია დავასახელოთ TikTok-ის „lo-fi“, რომელმაც 2021 წლიდან მოყოლებული, მილიარდ აქტიურ მომხმარებელს გადააჭარბა და მოსალოდნელია, რომ შედეგს გააორმაგებს. ამასთან, მაიკ ვიტიელო, Wieden + Kennedy-ის შიდა სოციალური სტუდიის კონტენტის ხელმძღვანელი, ამბობს, რომ მისი გუნდის უმეტესი ნაწილი 23-დან 27 წლამდეა. ცნობილი ბრენდის, Taco Bell-ის TikTok ანგარიშს ახლა 2,4 მილიონი მიმდევარი ჰყავს, რაც ახალგაზრდა მაილო სიმპსონის დამსახურებაა, რომელიც 2020 წლის მარტში ჯერ სტაჟიორად მივიდა კომპანიაში. 

24 წლის ოლივია ვესტი აწარმოებდა დანკინის TikTok ანგარიშს დაახლოებით სამწელიწად-ნახევრის განმავლობაში, ჯერ სტაჟიორად, როდესაც ის 21 წლის იყო, შემდეგ კი როგორც სოციალური ქსელების ასოცირებული მენეჯერი. ჯერ კიდევ სტაჟიორობის დროს მას გაუჩნდა იდეა, ეხსენებინა ჩარლი დ’ამელიო, TikTok-ის ფენომენი და დანკინის ფანი, რამაც სხვა მომხმარებლები აიძულა, გაეზიარებინათ ჩარლის მიჯაჭვულობა დანკინზე. ოლივიას ხელმძღვანელმა დაუდასტურა იდეა და ამან იმავე დღეს გაამართლა – დ’ამელიომ ნახა ვიდეო და გამოიყენა ეს ვიდეო თავის პერსონალურ კონტენტში. დანკინის მიმდევრების რიცხვი იმ ღამით გაიზარდა.

კონტენტის შემქმნელები საკუთარი სახლებიდან

TikTok-ის პოპულარობამ კორპორაციული მარკეტინგის განყოფილებები იმდენად შეცვალა, რომ ახლა ისინი მოიცავს თანამშრომლების სრულიად ახალ კატეგორიას: შემქმნელებს. ახლა შემქმნელები მუშაობენ იმ ადამიანებთან ერთად, რომლებსაც, როგორც წესი, „კრეატიულებად“ მოიხსენიებენ და იმდენად ღრმად არიან ჩაძირულები ბრენდში, რომ ხანდახან განასახიერებენ მას და მიჰყავთ ის მიმართულებებით, რასაც სხვები ვერასდროს იფიქრებდნენ. 

ამ სიახლეებს მოერგნენ თავად კრეატიული სააგენტოებიც და აცხადებენ, რომ თუ ჯერ კიდევ 2022 წელს მსგავსი ტიპის თანამშრომლობა უფრო შესაძლებლობებზე იყო დამოკიდებული, ახლა ეს აუცილებლობად იქცა.

შემქმნელების შემოსვლამ ბაზარზე გავლენა მოახდინა სამუშაო პროცესზე. თუ ტრადიციული სარეკლამო კრეატიული ჯგუფი შეიძლება კვირაობით იჯდეს ისეთი ხედვის შემუშავებაზე, როგორიცაა მრავალმილიონიანი Super Bowl-ის რეკლამა, სოციალური მედიის წარმომადგენელი ეს გუნდები ახერხებენ ექსპერიმენტების ჩატარებას. TikTok კი ამისთვის შესანიშნავი ადგილია. 

ამ სფეროში, რა თქმა უნდა, წარუმატებლობაც გასათვალისწინებელია, რადგან სოციალური მედიის მომხმარებელი ძალიან სწრაფია და ერთ არასწორ პოსტზეც კი მყისიერ რეაგირებას ახდენს. ამიტომ აუცილებელია საკუთარი აქტივობის სწორად გათვლა და მიმდევრებზე მუდამ დადებითი შთაბეჭდილების მოხდენა. გახსოვდეთ, რომ ერთ ხელსაყრელ პოსტსაც კი შეუძლია ნახვების გაზრდა და ბრენდის გაძლიერება.

„შეგვიძლია, მშვიდობა რეალობად ვაქციოთ“ — ახალი კამპანია

როგორ აუმჯობესებს Meta რეკლამირების ფუნქციას?