ზეტ თაობისთვის ვირტუალური სამყარო ისეთივე რეალურია, როგორც ფიზიკური. ისინი იმ დროს დაიბადნენ, როდესაც ინტერნეტთან წვდომა ჩვეულებრივი ამბავი იყო, ზეტ თაობის წარმომადგენლები ინტერნეტს იყენებენ იმისათვის, რათა გაიაზრონ თავიანთი ცხოვრება, დაუკავშირდნენ მეგობრებს და მათ, ვინც აინტერესებთ.
მარკეტერებისთვის ზეტ თაობა სერიოზული სეგმენტია, რომელსაც გვერდს ვერ აუვლიან. ისინი შეადგენენ აშშ-ის მოსახლეობის მეხუთედს. აქედან გამომდინარე, მარკეტერებმა უნდა გაიგონ, თუ როგორ მოქმედებს ეს თაობა ციფრულ თუ რეალურ გარემოში, რათა მათ ეფექტურად მიწვდნენ.
ყველაზე მეტ დროს ზეტ თაობა ატარებს YouTube-ზე (88%), შემდეგ Instagram-ზე (76%), TikTok (68%), Snapchat (67%), Facebook (49%) და Twitter (47%). ამის შესახებ ინფორმაციას Morning Consult აქვეყნებს, რომელმაც 13-25 ასაკის 1000 ახალგაზრდა გამოკითხა.
განსხვავებულია Insider Intelligence-ის მონაცემები:
Morning Consult-ის ინფორმაციით, YouTube მთავარ სოციალურ პლატფორმად 93%-მა მამაკაცმა და 84%-მა ქალმა დაასახელა, ხოლო Instagram – 80%-მა ქალმა და 73%-მა მამაკაცმა.
ყოველდღიური სოციალური მედიის გამოყენება: საშუალო ხანგრძლივობა
Morning Consult ასევე იტყობინება, რომ ზეტ თაობის 54%-მა მინიმუმ ოთხი საათი გაატარა სოციალურ მედიაში (38%-მა გადააჭარბა ამ ხანგრძლივობას). ასევე, Insider Intelligence-მა დააფიქსირა Gen Z-ის (42.1%) მიერ სოციალური მედიის გამოყენება ერთიდან სამ საათამდე.
მოქმედება, ძირითადად, ხდება სმარტფონებით
ზეტ თაობის ინტერაქციის უმეტესობა ხდება მობილური ტექსტური შეტყობინებების საშუალებით უმეტეს შემთხვევაში (94%), რასაც მოჰყვება სატელეფონო ზარები (89%) და სოციალური მედია (88%). როგორც მათი სასურველი მოწყობილობა, სმარტფონები და აპები არის ის ადგილი, სადაც ამ ასაკობრივი ჯგუფის 60%-ზე მეტი დადის საყიდლებზე.
YouTube ეხმარება ზეტ თაობას, თვალი ადევნოს თავის საყვარელ კონტენტ კრეატორებს, ისწავლოს ახალი რამ (დაწყებული DIY პროექტებიდან ახალ პროფესიებამდე), უყუროს მუსიკალურ ვიდეოებს.
TikTok ვიდეოებს იუმორისა და გასართობისთვის უყურებენ. ამრიგად, კომედიური სკეტები და საცეკვაო ტრენდები ფართოდ არის გავრცელებული ამ არხზე. მაყურებელი უფრო ღიაა ამ პლატფორმაზე პროდუქტის მარკეტინგის სანახავად.
Instagram პლატფორმის მომხმარებლები რეგულარულად ამოწმებენ თავიანთი ოჯახებსა და მეგობრების ექაუნთებს, რათა მათ შესახებ განახლებული ინფორმაცია მიიღონ, ასევე თვალი ადევნონ სილამაზისა და მოდის ინფლუენსერებს. ბევრმა ბრენდმა შექმნა IG არხი, შესაბამისად, მომხმარებლებს გაუადვილდათ პროდუქტების ნახვა და ყიდვა პირდაპირ აპლიკაციაში. ინფლუენსერებს ასევე შეუძლიათ გაგზავნონ პირდაპირი შეტყობინებები IG-ზე თანამშრომლობისთვის.
სოციალურად აქტიური ზეტ თაობა იყენებს Twitter-ს, რათა გაიგოს უახლესი ამბები და ტენდენციები. ისინი იყენებენ Twitter-ს, რათა გამოხატონ თავიანთი მოსაზრებები მიმდინარე მოვლენებთან და მათთვის საინტერესო პროდუქტებთან და სერვისებთან დაკავშირებით.
Snapchat ეხმარება ზეტ თაობას დაუკავშირდეს მეგობრებს პირადი შეტყობინებებისა და საჯარო ისტორიების გამოყენებით, ფილტრებისა და ლინზების გამოყენებით გართობისთვის.
Facebook-ს ზეტ თაობა იყენებს ინფორმაციის მისაღებად, ახალი ამბების ოფიციალურ არხებზე ან თემატურ ჯგუფებში, სადაც ისინი საუბრობენ და იღებენ რეალურ დროში პასუხებს სხვადასხვა თემაზე.
დაგეგმეთ კამპანიები კონტენტ კრეატორის მიდგომით. შეეცადეთ გაერთოთ და გაეცნოთ პირველ რიგში, რადგან თქვენ შეგიძლიათ უფრო ადვილი გახადოთ პროდუქტების პოპულარიზაცია კომუნის შექმნით. ფასიანი რეკლამებიც დასაშვებია, მაგრამ რაც უფრო ბუნებრივი იქნება კონტენტი, მით უფრო კარგად მიიღებს მას ზეტ თაობა. არ დაგავიწყდეთ ვიზუალური მხარეც. ხაზი გაუსვით ზეტ თაობის საჭიროებებს, მათ ინტერესებს. პატივი ეცით მათ პირად მონაცემებს და სჯობს, აუდიტორიას ორგანული კონტენტი მიაწოდოთ.
წყარო: influencermarketinghub
