20
Aug
2019

Georgia Capital-მა „ალავერდი“, დაახლოებით, $2 მილიონად იყიდა

20 Aug 2019

საინვესტიციო ჰოლდინგმა „საქართველოს კაპიტალი“ ალკოჰოლური სასმელების კომპანია „ალავერდის“ 100%-იანი წილი იყიდა. შეთანხმების მიხედვით, ერთ წელიწადში, ღვინის წარმოება, სამჯერ უნდა გაიზარდოს და თუ ახლა 9.4 მილიონი ბოთლია, 28.4 გახდება.

როგორც კომპანიაში ამბობენ, „ალავერდი“ კახეთში, 244 ჰექტარ ვენახებს ფლობს და ყურძნის დიდი ნაწილისგან ღვინო „საფერავი“ მზადდება. მასვე ეკუთნის, დამატებით, 135 ჰა მიწა, რაზეც ვენახები გაშენდება.

GBC-ის ინფორმაციით, გარიგების ღირებულება $1.8 მილიონია. აქედან, $200 000-ს კომპანიის მფლობელი იმ შემთხვევაში მიიღებს, თუ 2019 წლის მოსავალი 1500 ტონაზე მეტი იქნება.

„ალავერდი“, ალკოჰოლური სასმელების პირველი კომპანია არ არის, რომელიც „საქართველოს კაპიტალმა“/Georgia Capital-მა იყიდა. რამდენიმე თვის წინ, ამავე საინვესტიციო ჯგუფში შემავალმა „თელიანი ველმა“ ბრენდი „ქინძმარაულის მარანი“ შეიძინა.

განხილვა