დიზაინ სტუდიამ „ორი“, სააგენტო HOLMES&WATSON-თან თანამშრომლობით, საქართველოს განათლების, მეცნიერების, კულტურისა და სპორტის სამინისტროს დაკვეთით, ბრენდინგზე იმუშავა.
ლოგო და ვიზუალური სტილი კულტურაზე დიალოგისთვის შეიქმნა ევროპასა და საქართველოს შორის. იმისთვის, რომ საქართველოს ცნობადობა, როგორც ერთ-ერთი უძველესი ევროპული ქვეყნის, გაიზარდოს.
საქართველო 8000 წელია, ევროპული ცივილიზაციის წევრია და მათ შორის, უწყვეტი კავშირი არსებობს. სწორედ ამ უბერებელი ერთიანობის წარმოჩენა იყო პროექტის ავტორებისთვის მთავარი გადასაჭრელი ამოცანა.
