„ბერლინში არავინ მიდიხართ? რაღაცას გაგატანთ რა, მეგობართან“ „ამერიკაში ხომ არ მიფრინავთ ვინმე უახლოეს მომავალში? პატარა სათხოვარი მაქვს“ – მოდი, ვაღიაროთ, ბევრჯერ ვყოფილვართ სოციალურ ქსელში ასეთი სტატუსის ავტორი, ან სქროლვის დროს, აუცილებლად შეგვხვედრია მეგობრების მსგავსი „გასაჭირი“.
უარესი ვითარებაა მაშინ, როდესაც ჩვენ მივემგზავრებით საზღვარგარეთ და მეზობელი ნუნუს ტყემალი ვინმე თორნიკეს უნდა ჩავუტანოთ, დიდი ხანია იქ სწავლობს და მოენატრა, ან თიკოს ზამთრის ტანსაცმელი არ წაუღია და ცალკე ჩემოდანი მისი პალტოებით, დიდი შარფებით უნდა ავავსოთ, ან მეგობარმა, რომელმაც გაიგო, რომ იმ ქალაქში ჩავდივართ სადაც ისვენებს (ან ცხოვრობს, მნიშვნელობა არ აქვს), თავის მეგობრებს რაღაცების გამოტანას თხოვს და მოკლედ – ეს ამბავი არ სრულდება. იძულებული ვხდებით, მოგზაურობა ისე ჩუმად დავგეგმოთ, ეს ვალდებულელები არ დავიკისროთ – რაც, მოდი სიმართლე ვთქვათ, არ გამოდის.
ასეთ მდგომარეობაშია ლუკაც, რომლისაც ძალიან, ძალიან კარგად გვესმის. თუ ჩვენ უარს ვერ ვეუბნებით მეგობრებს, მეზობლებს, ნათესავებს, დაქალის ძმის შეყვარებულს, ნათლულის ბიცოლას და კიდევ ბევრს, საქართველოს ფოსტა ამ შემთხვევაში გვახსენებს, რომ გამოსავალი მარტივია – გავაგზავნოთ ამანათები საქართველოს ფოსტით და არც ჩვენ შევიწუხოთ თავები და არც სხვა შევაწუხოთ ჩვენი სურვილების ვრცელი ჩამონათვალით.
ეს სერვისი საქართველოს ფოსტაში დიდი ხანია არსებობს და ამანათების გაგზავნა მსოფლიოს მასშტაბით, 192 ქვეყანაშია შესაძლებელი. ამ ვიდეორგოლით კი თავიანთ მომსახურებას გვახსენებენ და რომ #ნუშეაწუხებლუკას, ისევე როგორც საკუთარ თავს და ყველა სხვა დანარჩენს.
Credits:
Client – Georgian Post
Agency – Advertwise, Mr Woolf
Creative Idea – Givi Kemoklidze, Natalia Tarkhan-Mouravi, Tamuna Gogorishvili
Account Director – Ani Chachua
Account Managers – Nika Jgheria, Tamuna Gogorishvili
Social Media Content – Tina kikalishvili
Digital Placement – Tamar Andghuladze
Producer – Nuca Mestumrishvili
Director – Tevdore Gogoladze
DOP – Irakli Solomnishvili, Aka, Pitha
Gaffer – badri Siprashvili
Light Technician – Dato Shkubuliani, Dato Goginashvili
Sound Engineer – Igor Zolotarevi
Graphic Motion – Rezo Bokeria
Focus Puller – Giorgi Popkhadze
Set Runners – Saba Gigishvili, Joni Baiadze, Giga Tchanturidze
Make Up – Tatiana Abasashvili
