2019 წლის 29 იანვრის მონაცემებით, საქართველოდან, ექსპორტზე 29 723 ტონა მანდარინი გავიდა. გასული წლის ამავე პერიოდში, მაჩვენებელი 23 122 ტონა იყო.
გარემოს დაცვისა და სოფლის მეურნეობის სამინისტროს ცნობით, ძირითადი საექსპორტო ქვეყნებია: რუსეთი (19,836 ტ), უკრაინა (6,424 ტ), სომხეთი (2,767 ტ), უზბეკეთი (261 ტ), ყაზახეთი (138 ტ), ბელარუსი (120 ტ), ყირგიზეთი (60 ტ), ლატვია (40 ტ). როგორც გამოცემა „კომერსანტი“ წერს, მანდარინის საბითუმო ფასი 0.40-დან 0.70 ლარამდეა.
