ევროკავშირი, ავსტრია და შვედეთი, რაჭაში, სვანეთსა და ზემო იმერეთში ტურიზმის განვითარებისთვის, 860 000 ევროს გამოყოფს – მესტიის, ლენტეხის, ცაგერის, ონის, ამბროლაურის, საჩხერისა და ტყიბულის მუნიციპალიტეტებში ტურიზმის განვითარებისთვის საგრანტო კონკურსი უკვე გამოცხადდა.
ეს პროგრამა TDI (ტურიზმის განვითარების ინიციატივა) პროექტ GRETA-ს ფარგლებში (მწვანე ეკონომიკა: მდგრადი სამთო ტურიზმი და ორგანული სოფლის მეურნეობა) ხორციელდება.
შერჩევის შემთხვევაში, თითო აპლიკანტი (1 ადამიანი ან გუნდი) მიიღებს 5 000-დან 50 000 ევრომდე გრანტს, საერთო ბიუჯეტის, მინიმუმ, 10%-იანი თანადაფინანსების პირობით.
TDI-ს ყველა აქტივობა 2022 წლის 30 სექტემბერს სრულდება. ამიტომ, საკონკურსო პროექტის ხანგრძლივობა უნდა იყოს, მინიმუმ, 6 თვე და არ უნდა აღემატებოდეს 24 თვეს.
მუნიციპალიტეტებში ტარდება შეხვედრები, სადაც მსურველები მიიღებენ დეტალურ ინფორმაციას საგრანტო კონკურსთან დაკავშირებით:
- 10 ივლისი, 2020 – მესტიის მუნიციპალური ცენტრი, 09:30
- 13 ივლისი, 2020 – ონის საზოგადოებრივი ცენტრი, 11:00
- 14 ივლისი,2020 – ამბროლაურის მერია, 11:00
- 15 ივლისი, 2020 – ცაგერის მუნიციპალური ცენტრი 11:00
- 15 ივლისი, 2020 – ლენტეხის მუნიციპალური ცენტრი, 15:00
- 16 ივლისი, 2020 – ტყიბულის მერია, 11:00
- 17 ივლისი, 2020 – საჩხერის მერია, 11:00
- 17 ივლისი, 2020 – ჭიათურის მერია, 15:00
სააპლიკაციო ფორმების მიღების ბოლო ვადაა 2020 წლის 3 აგვისტო, 18:00 საათი (საქართველოს დრო). დამატებითი ინფორმაციისთვის, იხილეთ ბმული.
