in

როგორ მივიყვანოთ საქმე ბოლომდე, როდესაც ძალაგამოცლილი ვართ?

საქმის ჯეროვნად კეთება, იმ ფონზე, როდესაც ფიზიკურად ან ფსიქიკურად ძალაგამოცდილები ვართ, რთულია. თუკი, ემოციურ სიძნელეებს გადიხართ, პირველ რიგში, საკუთარ თავზე ზრუნვით უნდა დაკავდეთ. მენტალურ ჯანმრთელობასთან შედარებით, პროდუქტიულობა მეორეხარისხოვანია. თუმცა, რა ვქნათ, როდესაც გვინდა პროდუქტიულები ვიყოთ, შინაგანი მდგომარეობის მიუხედავად?

pasha-statiebi
pasha-statiebi

ყველა ემოციას აქვს თავისი მიზანი. მოწყენილობა, დეპრესიულობა და აპათიურობა გვიბიძგებს ღრმად ჩავიკეტოთ საკუთარ თავში და ვიფიქროთ. ამას თავდაცვითი ასპექტები აქვს. ზოგჯერ, საშიშროებისგან ამგვარი გარიდება გონივრულია. ზოგჯერ, უნდა დავფიქრდეთ, რაში ვპოულობთ სიამოვნებას, საზრისს და განვაგრძოთ წინსვლა, ერთისა და იმავეს კეთებით. თუმცა, დეპრესიისას, ეს სიტუაცია ჩაკეტილ წრეს ემსგავსება და ადამიანს ყველაფერი აზრსმოკლებული ეჩვენება. ემოციები ჩვენი სასიგნალო სისტემაა. ისინი გვეხმარებიან გავიგოთ, როდის ვართ საფრთხეში, მივდივართ სწორად ან არასწორად. თუმცა, როდესაც ეს განგრძობით სახეს იღებს, სიგნალის ეფექტი იკარგება.

დეპრესიულ მდგომარეობაში მყოფი ადამიანების ენერგია, აქტიურობა და განწყობა სპირალურად მცირდება. რაც უფრო ნაკლებ ენერგიას გრძნობთ და ნაკლებს აკეთებთ, უარესდება ემოციური განწყობა და ეს ციკლი გრძელდება. პროდუქტიულობას შეუძლია ამ სპირალის ამობრუნებას შეუწყოს ხელი. აი, საიდან უნდა დაიწყოთ:

დაგეგმეთ ყოველდღიური მიღწევები და ისიამოვნეთ

ჯანსაღი განწყობისთვის ორი ტიპის აქტივობა გვჭირდება: ერთი მხრივ ის, რომელიც მიღწეული მიზნის განცდას მოგვანიჭებს, მეორე – სიამოვნებას. ესაა ქცევითი აქტივიზაცია. როგორც წესი, ეცადეთ იქონიოთ მიღწევის ერთი და სიამოვნების ერთი წყარო დილას, შუადღეს და საღამოს. ეს საკმაოდ მარტივია, მაგალითად, სიამოვნების წყარო შეიძლება იყოს დილის ყავის მზიან ფანჯარასთან დალევა. მიზნის მიღწევის განცდას კი, მაგალითად, ვარჯიშით, დალაგებით ან პატარა საქმის სრულად შესრულებით მიიღებთ.

ზოგიერთი ადამიანი სასარგებლოდ მიიჩნევს აქტივობების წინასწარ განსაზღვრას, რათა შემდეგ, მათი შესრულება გაუადვილდეს.

თუკი დეპრესია მოგეძალათ, აქტივობიდან მიღებული სიამოვნება ნაკლები იქნება. ამდენად, უფრო მეტად უნდა დააკვირდეთ, რა გგვრით სიამოვნებას. ეს რჩევა პროდუქტიულობაზე დადებითად აისახება პირდაპირ ან ირიბად.

შეამცირეთ ჩვეული სამუშაო დატვირთვა

როდესაც განწყობა არ გაქვთ, ხოლო სტრესის დონე მაღალია, არაა რეკომენდებული სრული დატვირთვით მუშაობა. თუმცა სულ უსაქმურობაც ნაკლებად სასურველია. რატომ? ჩვეული სამუშაო თქვენი დღის სტრუქტურას განსაზღვრავს. როდესაც დღე გაწერილია, ის ბიორიტმს არეგულირებს. საპირისპირო შემთხვევაში, ბიორიტმი ირღვევა და უფრო მეტად ვხდებით დეპრესიისკენ მიდრეკილნი.

ჩვენი ჩვეული აქტივობების ნახევარი ოქროს შუალედი არასაკმარის მუშაობასა და საკუთარი თავისგან მეტისმეტის მოლოდინს შორის. შესაძლოა შენიშნოთ კიდეც, რომ თქვენი პროდუქტიულობა ამ მიდგომისას კლებულობს. ეს გიბიძგებთ უკეთ გადაანაწილოთ პრიორიტეტები.

შეანაცვლეთ ადვილი, საშუალო და რთული ამოცანები

განწყობის კიდევ ერთი შემადგენელი ნაწილია ის, რომ გრძელვადიან პერსპექტივაში არ აკეთოთ სულ მარტივი, საშუალო ან რთული საქმე. ნაწილობრივ, ეს ბავშვების დასწავლასა და შეზღუდული შესაძლებლობის მქონე (შშმ) პირებზე დაკვირვებით შეისწავლეს. ამ ჯგუფებისთვის უარყოფითი შეგრძნებები ქცევაში ვლინდება. ვხედავთ, რომ ქცევა და განწყობა მნიშვნელოვნად იცვლება, როდესაც ადამიანები არ არიან მუდმივი გამოწვევების რეჟიმში. ერთ-ერთი მოსახერხებელი მეთოდია, ყოველდღიურად, გქონდეთ ერთი მნიშვნელოვანი, ერთი საშუალო და ერთიც მარტივი ამოცანა შესასრულებლად.

განავითარეთ სიღრმისეული მუშაობის გრძელვადიანი მიდგომა, რათა შეამციროთ თვითკონტროლის საჭიროება

თუკი დეპრესიულ მდგომარეობაში ხართ, უფრო ნაკლებად დაგჭირდებათ თვითკონტროლი, რადგან ასეთი განწყობისას ყველაფერი მეტისმეტად დატვირთული გვეჩვენება. მაღალპროდუქტიული სამუშაოსთვის ნაკლები თვითკონტროლი რომ გაგვაჩნდეს, ძლიერი ჩვევებია საჭირო – მაგალითად, სიღრმისეული მუშაობა დღის ერთსა და იმავე მონაკვეთებში.

როდესაც ჩვეულება გამომუშავებული გაქვთ, მასზე თვითკონტროლიც ნაკლებად გჭირდებათ. ეს ეფექტი კარგად მუშაობს. ორგანიზმმა იცის, რა დროს რა უნდა გააკეთოს და საქმე მნიშვნელოვნად უადვილდება. საბოლოო ჯამში, ამ ავტოპილოტის დახმარებით, შეგიძლიათ გონება უფრო მეტად დაასვენოთ.

მიმართეთ პროფესიონალს, ფსიქიკური ჯანმრთელობის მოსაწესრიგებლად

შესაძლოა, ეს ისედაც აშკარაა, მაგრამ ადამიანები მეტისმეტად დიდხანს იცდიან, სანამ მდგომარეობა გაუარესდება. როდესაც პრობლემას წააწყდებით, სჯობს, თერაპევტს მალევე მიმართოთ. გამოსავალი კი მრავალმხრივია. ეს შეიძლება იყოს მედიკამენტოზური და არამედიკამენტოზური, ან სტრესს მულტივიტამინების საშუალებით გამოუცხადოთ ბრძოლა. თანაგრძნობის უნარების გამომუშავება დეპრესიის, სტრესისა და შფოთვის დროს, ასევე, სასარგებლოა.

მკურნალობა დაგეხმარებათ გააანალიზოთ საკუთარი ემოციური მდგომარეობა. დეპრესია, ხშირად, ადამიანებს ინტერპერსონალური უარყოფის ნიშნების ძიებისკენ უბიძგებს. ესაა მათი მიზნების ევოლუციის ნაწილი, ვინაიდან ერთ-ერთი საფრთხე თემიდან გარიყულობაა. სამსახურში ეს შეიძლება გამოიხატებოდეს მხარდაჭერის არქონით, თქვენი ნიჭისა და უნარების არდაფასებით, მაშინაც კი, როდესაც ეს ასე არ არის. ამ ყველაფერს უადგილო გაღიზიანებამდე მივყავართ ხელმძღვანელების, კოლეგების ან კლიენტების მიმართ.

როდესაც ემოციურ შემოტევას გრძნობთ, ყოველთვის ვერ შეძლებთ პროდუქტიულობის შენარჩუნებას. ამიტომ, იყავით საკუთარი თავის მიმართ უფრო შემწყნარებლური. მოთმინებით მოეკიდეთ საკუთარ მდგომარეობას. დეპრესია ადამიანებში ხშირად იწვევს ნეგატიურ მოლოდინებს. თუმცა, როდესაც მის მართვას ისწავლით, გრძელვადიან სტრატეგიასაც შეიმუშავებთ, ასეთი მომენტებისთვის.

 

წყარო: HBR



მაკდონალდს საქართველომ თავის აპლიკაციაში ახალი ფუნქციონალი – ლოიალურობის პროგრამა დანერგა

როგორ შეიცვალა, ბოლო წლებში, დასაქმების ბაზარი? – მედეა ტაბატაძე