„მე ვარ საქართველო“ – ეროვნული საფეხბურთო ნაკრების ახალი იდენტობა

საქართველოს ეროვნულ საფეხბურთო ნაკრებს მნიშვნელოვანი სიახლეები აქვს. ნაკრები ახალ გეზს იღებს – განახლებული ფილოსოფიითა და ბრენდ პლატფორმით. იცვლება ბრენდის ვიზუალური და ვერბალური იდენტობა და ახლა უკვე, პირველად დამოუკიდებელი საქართველოს ისტორიაში, ფეხბურთელები საკუთარი, უნიკალური დიზაინის ფორმებით ითამაშებენ.

ალექსანდრე იაშვილი, სფფ-ს ვიცე პრეზიდენტი: ვფიქრობ, ყველა ძლიერი გუნდის უკან ძლიერი ფილოსოფია და იდეოლოგია დგას, რომელიც უნდა აერთიანებდეს ბავშვთა ფეხბურთს, ქალთა, ასაკობრივ და ეროვნულ გუნდებს. ამის გარეშე შეუძლებელია წარმატების მიღწევა.

ივნისში ერთა ლიგის გათამაშების ახალი ეტაპი იწყება. გადავწყვიტეთ, რომ სწორედ ასეთი მნიშვნელოვანი პერიოდისთვის სანაკრებო გუნდებს განახლებული ფილოსოფიითა და იდენტობით ეთამაშათ, რაც დამატებითი მოტივაცია იქნებოდა ასეთ საპასუხიმგებლო მომენტში.

ნაკრებმა, როგორც ბრენდმა, სრული ტრანსფორმაცია განიცადა სტრატეგიული და ვიზუალური იდენტობის განახლებით.

სამუშაო პროცესი ხანგრძლივი იყო, რომლის ფარგლებში პარტნიორ საკომუნიკაციო სააგენტო “ვინდფორსთან” ვითანაშრომლეთ. მიზნად საკმაოდ კომპლექსური დავალების შესრულება დავისახეთ – ახალ ბრენდს უნდა წარმოეჩინა ეროვნული სულისკვეთება, ატრიბუტიკა – გერბი, დროშა და ამასთან ერთად ყოფილიყო ახალი და თანამედროვე.

თათა ბურდული, სფფ-ის ბრენდ დირექტორი: ეროვნული საფეხბურთო გუნდების ერთიანი ბრენდ პლატფორმის შექმნის ინიციატივა ფეხბურთის ფედერაციას ეკუთვნის.

დამეთანხმებით, ნაკრების მიმართ ჩვენი ქვეყნის თითოეულ მოქალაქეს განსაკუთრებული ემოციური ბმა და კუთვნილების გრძნობა გააჩნია. ნაკრები მთელი ერის, თითოეული ჩვენი მოქალაქის საკუთრებაა და მასთან დაკავშირებული ცვლილებების მიმართ ინტერესიც, ბუნებრივია, მაღალია.  ის ცვლილებები, რომელიც ჩვენ მიზნად დავისახეთ, პროცესში ჩართულ თითოეულ ადამიანს დიდ პასუხისმგებლობას გვაკისრებს და ამავე დროს განსაკუთრებულ გამბედაობას მოითხოვს ჩვენგან.

ერთის მხრივ საზოგადოების მაღალი ემოციური კავშირი ეროვნულ ნაკრებთან, რომელიც ბრენდის მნიშვნელოვან კაპიტალს წარმოადგენს, მეორეს მხრივ კი თავად ნაკრებში მიმდინარე პოზიტიური სიახლეები გახდა მიზეზი ამ დიდი, ფუნდამენტური ცვლილებებისა რომლის მონაწილენიც ახლა ვართ.

გასული წლის ბოლოს ახალ ტექნიკურ სპონსორთან, იტალიურ ბრენდ “მაკრონთან” გავაფორმეთ შეთანხმება, რამაც საშუალება მოგვცა ჩვენი გუნდისთვის უნიკალური დიზაინის სათამაშო ფორმა შეგვექმნა.  ნაკრების მთავარი სპორტული ატრიბუტის, სათამაშო ფორმის შექმნის იდეით დაწყებული ცვლილებების ჯაჭვი სრულიად ახალი ბრენდის შექმნის პროცესად იქცა.

ბრენდის ახალ პლატფორმაზე საკომუნიკაციო სააგენტო “ვინდფორსმა” იმუშავა.

მარიამ გოგოძე, ექაუნთ მენეჯერი: ამ მასშტაბის ბრენდზე მუშაობა, ცხადია, დიდი იშვიათობა და უდიდესი პასუხისმგებლობაა. სამუშაო პროცესში ბევრი მხარე იყო ჩართული – საქართველოს ფეხბურთის ფედერაციის მენეჯმენტი, მოქმედი და ვეტერანი ფეხბურთელები, გულშემატკივრები თუ ჟურნალისტები – ყველა, ვისაც ქართული ფეხბურთი უყვარს და გული შესტკივა. ჩართულ მხარეებთან ერთად ხანგრძლივი კვლევის, კონსულტაციების და ინტერვიუების შედეგად, ნაკრების მიმდინარე ცხოვრების საერთო სურათი გამოიკვეთა. გავაანალიზეთ პრობლემები, რომლებიც თან სდევდა ამ ბრენდს მისი დაარსების მომენტიდან დღევანდელ დღემდე და შემდეგ მათი გადაჭრის გზებზე დავიწყეთ ფიქრი.

მარიამ ჩხაიძე, სტრატეგი: იმისთვის, რომ თანამედროვე კონკურენტულ სამყაროში სათანადო ადგილი დაიკავო, გამართული ბრენდ პლატფორმის არსებობა აუცილებელი პირობაა. საქართველოს ეროვნული საფეხბურთო ნაკრები ქვეყნის ყველაზე დიდი ბრენდია. მთავარი, რაც მუშაობისას გამოიკვეთა, ბრენდის მყარი იდეოლოგიური საფუძვლის შექმნის საჭიროება იყო – ის, რაც მას დაარსების დღიდან აკლდა.

ვატო ქავთარაძე, კრეატიული დირექტორი: ქართული ფეხბურთი, როგორც ბრენდი, საბჭოთა კავშირის ეპოქაში ჩამოყალიბდა. მას შემდეგ, რაც ეს ეპოქა დასრულდა და ჩვენმა ფეხბურთმა დამოუკიდებლად განაგრძო არსებობა, ჩვენ ვერ მოვახერხეთ ჩვენი დამოუკიდებელი საფეხბურთო ფილოსოფიის შექმნა, რომელზეც შემდეგ მთელი დარგი და სამოქმედო სისტემა დაშენდებოდა. ჩვენ უბრალოდ ინერციით გავაგრძელეთ სვლა და, Შესაბამისად, დღემდე ექოსავით მოგვყვება პრაქტიკულად ყველა ის მანკიერი და დრომოჭმული სააზროვნო მოდელი, რომელიც საბჭოთა სისტემას ახასიათებდა.

უმთავრესი და ყველაზე დესტრუქციული, რაც იმ ეპოქას ახლდა, იყო კოლექტივიზმი – სადაც ინდივიდები, მათი შესაძლებლობების მიუხედავად, ხელოვნურად თანაბრდებოდენ ერთმანეთთან. Სისტემა მთლიანად შეზღუდვებზე, ლიმიტებზე და იერარქიულ შიშზე იყო აგებული. ის რკინის ფარდა, რომელიც ჩვენ თავისუფალი სამყაროსგან გვყოფდა, ისეთ ჩარჩოებს ქმნიდა ჩვენ ცნობიერებაში, რომლებიც ამ სამყაროსთან ჩვენ სრულფასოვან ინტეგრაციას შეუძლებელს ხდიდა – მას შემდეგაც კი, რაც ეს ფარდა ჩამოიშალა.

ამიტომ, ამ კოლექტივიზმისგან ერთხელ და სამუდამოდ გასათავისუფლებლად, ჩვენ მას ინდივიდუალიზმი დავუპირისპირეთ

– სწორედ ის, რაზეც დასავლურ ცივილიზაცია დგას და რაც განასხვავებს მას საბჭოურისგან. 

ახალი ბრენდ პლატფორმის მთავარი ქვაკუთხედი ინდივიდია – ინდივიდი, რომელსაც აქვს უნარი თავის თავზე აიღოს პასუხისმგებლობა და მუდმივი თვითგანვითარების რეჟიმში წარმართოს თავის ცხოვრება და სპორტული კარიერა. 

მხოლოდ ამგვარი ინდივიდებისგან შემდგარ ერთობას აქვს შანსი აქციოს ეროვნული ნაკრები კონკურენტულ და ანგარიშგასაწევ ძალად საერთაშორისო ასპარეზზე. 

შეიცვალა ბრენდის ვიზუალური და ვერბალური იდენტობაც.

ნათია კვარაცხელია, დიზაინ დეპარტამენტის ხელმძღვანელი: ბრენდის ვიზუალური იდენტობა ბრენდის არსის, ხედვისა და მისიის ვიზუალური რეპრეზენტაციაა. 

ეროვნული ნაკრების ბრენდის არსი მუდმივი თვითგანვითარებაა – საკუთარი თავის ყოველდღიური გამოწვევით, შინაგანი ძალის მიგნებით და გაძლიერებით. 

ბრენდის არქერტიპი კი გმირია – ის, ვინც საკუთარ თავში სისუსტეს ამარცხებს და ამ მიზანდასახულობით სხვებსაც შთააგონებს.

ამ შინაარსის გამომხატველი ვიზუალური სიმბოლიკა თავად საქართველოს გერბზეა გამოსახული – წმინდა გიორგი სიძლიერის, იმედის, ბოროტებასთან ბრძოლის სიმბოლოა. 

სიმბოლოს ფორმირებას არაერთი კონსულტაცია მიუძღვოდა წინ, თავად ჰერალდიკაშიც “თეთრი გიორგი” გამოსახულია როგორც საერო გმირი, პერსონაჟი და არა როგორც რელიგიური ფიგურა. მეორეს მხრივ, სახელმწიფო გერბის ადაპტაციას ხშირად ვხვდებით უეფას წევრი ქვეყნების ეროვნული ნაკრების  სიმბოლიკაში.

ჩვენს შემთხვევაში, სიმბოლოს ერთ-ერთი მთავარი ინტერპრეტაცია საკუთარ სისუსტეებზე გამარჯვებაა – ნებისმიერ მეტოქეს დაამარცხებ, თუ დაამარცხებ სისუსტეს შენში. სწორედ ამიტომ იქცა ამ სიმბოლოს განახლებული, თანამედროვე ვარიაცია ეროვნული ნაკრების ბრენდის ვიზუალურ იდენტობად.

სიმბოლოს მოყვა ვიზუალური სტილიც. 

მასში გამოყენებული უნიკალური “პატერნი” ქართულ ხასიათსა და სიმბოლიკას ჰარმონიულად აერთიანებს ბრენდის იდენტობასთან.

ბექა მეფარიშვილი, აღმასრულებელი კრეატიული დირექტორი: “მე ვარ საქართველო” – ბრენდის ახალი სლოგანი და ვერბალური იდენტობაა, რომელიც ახალ იდეოლოგიას ახმოვანებს.

ამ ფრაზას, ერთის მხრივ, ამბობს ბრენდი, რომელიც ქვეყანას მსოფლიო ასპარეზზე წარმოაჩენს და თავიდან ეცნობა სამყაროს, მეორეს მხრივ, ამბობს ფეხბურთელი (ისევე, როგორც ნებისმიერი ამ საქმეში ჩართული ინდივიდი), რომელიც პასუხისმგებლობას საკუთარ თავზე იღებს, ყოველდღიური ძალისხმევით მუდმივად ვითარდება, ავლენს საკუთარი შესაძლებლობების მაქსიმუმს და ამგვარად ახდენს კონტრიბუციას საერთო საქმეში და ასევე ამბობს გულშემატკივარიც, რომელიც მთელი ქვეყნის სახელით უჭერს მხარს ეროვნულ ნაკრებს.

და ბოლოს, შეიცვალა საფეხბურთო ნაკრების ფორმების დიზაინიც.

თეონა შელია, სინიორ არტ დირექტორი: ვიზუალური იდენტობის მიხედვით შეიქმნა სამი განსხვავებული ფორმა (საშინაო, საგარეო და მესამე), რომლებიც ირეკლავს ბრენდის ახალ ფილოსოფიას, ითვალისწინებს თანამედროვე ვიზუალურ ტრენდებს, აძლიერებს ნაკრებს, როგორც ბრენდს და გულშემატკივრებს ახალ, ეროვნულ სიმბოლიკასთან შესაბამისობაში მყოფ ვიზუალურ გადაწყვეტას სთავაზობს.

სოფი ივანიშვილი, კრეატიული ქოფირაითერი: მაისურზე, გარდა ბრენდის სლოგანისა “მე ვარ საქართველო”, უცხო თვალისთვის დაფარულად, მხოლოდ ფეხბურთელებისთვის, განთავსებულია ძალიან მნიშვნელოვანი წარწერა – “ძალა ჩემშია”, რომელიც ეხმიანება ქვეყნის დევიზს “ძალა ერთობაშია” და თითქოს რეალურ მნიშვნელობას უბრუნებს მას – ძალა არა უბრალოდ ერთობაში, არამედ სინამდვილეში მხოლოდ ძლიერი ინდივიდების ერთობაშია. 

საბოლოო ჯამში, ზემოთხსენებული სიახლეები საქართველოს ეროვნულ საფეხბურთო ნაკრებს აქცევს თანამედროვე ბრენდად, რომელსაც აქვს ახალი იდეა, ხედვა, მიზნები და ღირებულებები, რომელიც თავისუფალია წარსული წარუმატებლობებისგან და მთლიანად მომავალზეა ორიენტირებული.

დარწმუნებულები ვართ, ეს მას სპორტული შედეგების გაუმჯობესებაშიც დაეხმარება და თვისობრივად ახალ ეტაპზე გადაიყვანს მის ისტორიას.

 

 

Client: Georgian Football Federation

President: Levan Kobiashvili

Vice President: Alexander Iashvili

Brand Director: Tata Burduli

Strategic Communication Manager: Tamar Kapanadze

National Team Press Officer: Otar Giorgadze

Agency: Windfor’s

Creative Chairman: Vato Kavtaradze

Executive Creative Director: Beqa Meparishvili

Senior Art Director: Teona Shelia

Copywriter: Sophie Ivanishvili

Creative Project Manager: Levan Gvinianidze

Senior Account Manager: Mariam Gogodze

Lead Strategist: Mariam Chkhaidze

Creative Team: Nino Gordeladze, Mari Sukhishvili, Luka Makharoblishvili

Director: Dato Borchkhadze

DoP: Giorgi Shvelidze

Production Company: Metro Production

Executive Producer: Sandro Gabilaia

Head of Production: Maia Gurabanidze

Producer: Masho Tevdorashvili

Production Manager: Tato Pantsulaia

1st AD: Sopo Parjiani

2nd AD: Nini Iashvili

Technical Director / Camera AC: Guram Mosikashvili

Unit Manager: Merabo Rostomashvili

Production Coordinator: Pikria Kikodze

PA: Teko Gurabanidze

Casting Director: Tina Khizanishvili

Casting Assistant: Giorgi Ninikashvili

Location Manager: Achi Kevlishvili

Location Manager Assistant: Natia Chomakhidze

Transportation: Davit Peradze, Davit Maghlakelidze

Set Manager: Koka Chkhaidze

Set PA: Irakli Kakabadze

Financial Manager: Tamar Lashkhidze

 

Production Designer: Slow Pulse – Giorgi Karalashvili, Mariam Iakobashvili

Art Department: District 9 Productions – Dato Daraselia (Darasa), Nino Daraselia, Sulo Sturua, Nukri Nairashvili, Ketevan Nozadze, Teimuraz Janezashvili, Jimi Rekhviashvili, Dato Chalatashvili

Football Choreographer: Lasha Namoradze

MU: Salome Zakaraia

MU Assistant: Meri Nakashidze

Stylist: Ika Bobokhidze

Stylist Assistants: Ana Pailodze, Elene Gabilaia

Playback: Koba Rostiashvili 

Focus Puller: Manu Elijarashvili

Camera AC: Levan Zaridze

Dolly/Rail: Giorgi Zakaidze, Dimitri Zakaidze

Steadicam: Merab Kiknadze

Gaffer: Mishka Saganelidze

Drone: Zura Kartvelishvili, Skytech

Body Mount: Levan Iremashvili

SFX: Sergo Bregvadze, Aleksandre Gvasalia

Making of: Любовь Плосконосова 🇺🇦, Nikoloz Verdzadze

Anthem: Achiko Guledani, Beka Japaridze Shukvani

Post-Production Producer: Buro

Sound and music by Postred

VO: Nika Kvekveskiri, Masho Tevdorashvili, Temuriko Diasamidze

Visual Effects: Highway VFX

CGI: Metrograph, Anzor Akhobadze

CC: UPP Prague Pavel

 

Special Thanks to:

Heima Production

Giorgi Sharashidze

Giorgi Jaiani

1TV

National Archive

 

 

[პარტნიორის კონტენტი]