„მოჩვენება“ მაიკროსოფტის ახალი კონტროლერის სახელია და მას Xbox Elite Wireless Controller Series 2-ის ახალი კოლექციაში გვაჩვენებენ. მეტად ნოსტალგიურია, თუმცა ამასთან, საკმაოდ მიმზიდველი დიზაინითაც გამოირჩევა — გამჭვირვალე პლასტმასის გარსი მასში არსებულ მექანიკურ სირთულეებს უსვამს ხაზს.
ესთეტიკაზე ხაზგასასმელად მაიკროსოფტმა Xbox Wireless Controller Special Edition-ის სახით Ghost Cipher შემოგვთავაზა — კონსოლი, რომელიც ადრეული 90-იანი და 2000-იანი წლების ესთეტიკას გვაზიარებს. თანაც 8 ოქტომბერს გამოდის გამჭვირვალე ქეისით, რომელიც ვერცხლისფერ ინტერიერს ავლენს და მაიკროსოფტის ტექნოლოგიებს მეტად გამჭვირვალეს ხდის. თუმცა აქვე ნახავთ ოქროსფერ დეტალებს, რომელიც მის ვიზუალს კიდევ უფრო განსაკუთრებულად აქცევს:
მიუხედავად ნოსტალგიური დიზაინისა, მასში გამოყენებული ტექნოლოგია სრულად თანამედროვეა: უახლესი Xbox Wireless და Bluetooth ტექნოლოგიითაა აღჭურვილი და უწყვეტი კავშირის საშუალებას იძლევა Xbox Series X-სთან, Xbox Series S-თან, Windows PC-სთან და მობილურ მოწყობილობებთანაც კი. ხოლო AA ბატარეებით 40 საათი მუშაობს, შესაბამისად, დიდხნიანი სათამაშო სესიებისთვის იდეალური პარტნიორია.
გამოდის, Microsoft-მა Cipher-ის სერიით გამჭვირვალე ტექნოლოგია თანამედროვეობას შეუსაბამა და დღევანდელ სათამაშო სტანდარტებსაც მოარგო.
წინასწარი შეკვეთები უკვე დაწყებულია, Ghost Cipher Special Edition-ის ფასი 69.99$-ს შეადგენს.
