Bacardi-მ სააგენტო BBDO New York-თან ერთად, ზაფხულის არაჩვეულებრივი დასაწყისი შემოგვთავაზა. ზუსტად ერთწუთიანი, ერთობლივი სარეკლამო ვიდეორგოლი – “Break Free“ – საოცრად ენერგიული, ფერადი და მუსიკალურია. ხოლო ის, რაც რგოლს ყველაზე ეფექტურს ხდის, ეს აპლიკაცია Boomerang-ის GIF-ებით აწყობილი კადრებია. ალკოჰოლური სასმელების მწარმოებელი ბრენდი, შთამბეჭდავ ვიდეორგოლთან ერთად, მომხმარებელს ცხელი ზაფხულის გრილად გატარების საუკეთესო საშუალებას სთავაზობს, რაც, რა თქმა უნდა, მის სასმელებთან არის დაკავშირებული.
