18
Aug
2016

ღიმილად ქცეული ცრემლები – მზრუნველი კამპანია Hansaplast–ისგან

18 Aug 2016



სკვერებსა და საბავშვო მოედნებზე თამაში ბავშვობის ერთ–ერთი განუყრელი ნაწილია. თუმცა, გარდა იმისა, რომ ის ღიმილისა და ბედნიერების მომტანია, ხანდახან ცრემლებსაც გვრის ხოლმე მოულოდნელად წაქცეულ ბავშვებს. იმისთვის, რომ ამ ცრემლებმა პატარებს თამაშის განწყობა არ გაუფუჭოს, კომპანია Hansaplast–მა, რომელიც ლეიკოპლასტირს აწარმოებს, გადაწყვიტა ცრემლებისგან ისეთი რამ შეექმნა, რაც ბავშვებს აუცილებლად გააღიმებდა.

 

კომპანიის წარმომადგენლებმა რამდენიმე სკვერში თავიანთი წარმომადგენლები დასვეს სახატავი აღჭურვილობით. როგორც კი წაქცეულ ბავშვს დაინახავდნენ, მაშინვე განსაკუთრებულ სიურპრიზს სთავაზობდნენ. ატირებული ბავშვები წაქცევის მომენტს აღწერდნენ, Hansaplast–ის მხატვარი კი მათი ცრემლების საშუალებით ამას ფურცელზე ცრემლის ფორმაში ხატავდა თან გვერდით ლამაზ წარწერას უწერდა და “დაზარალებულ” პატარას ჩუქნიდა. როგორც კი ბავშვი ფურცელზე ლამაზად დახატულ თავის ამბავს ნახულობდა, მაშინვე ეღიმებოდა და ნატკენი ავიწყდებოდა.

კამპანიამ ნამდვილად ბევრ ბავშვს დაავიწყა ტკივილი და კიდევ უფრო გაუხალისა მოედანზე თამაში.

განხილვა