საქართველოს ბანკის კომუნიკაციების დეპარტამენტის დირექტორის პოზიციაზე გიორგი ჩლაიძე დაინიშნა. როგორც საქართველოს ბანკში აცხადებენ, გიორგი მათ გუნდს 3 წლის წინ შეუერთდა და ამ პერიოდში, ოპერაციულ მიმართულებას ხელმძღვანელობდა. მანამდე, მას მარკეტინგის სფეროში მუშაობის საკმაო გამოცდილება ჰქონდა მიღებული – იყო ორი დიდი კომპანიის: „ჯიპისისა“ და „ელიტ ელექტრონიქსის“ მარკეტინგის დირექტორი. გიორგი ჩლაიძე კავკასიის ბიზნეს სკოლის ბაკალავრისა და თავისუფალი უნივერსიტეტის პროექტ მენეჯმენტის მაგისტრის ხარისხს ფლობს. ამჟამად კი, ჰარვარდის ბიზნეს სკოლაში ლიდერობის განვითარების პროგრამას გადის.
