ღვინის ბრენდმა „ვაზიანი“ საკუთარ პროდუქციაში ვიზუალური ცვლილებების განახლება გადაწყვიტა და ამისთვის გიორგი პოპიაშვილს მიმართა, რომელმაც ამ შემთხვევაში, გრაფიკული დიზაინერის როლი მოირგო და 15 სახეობის ღვინისთვის განსხვავებული ფორმისა და შინაარსის ეტიკეტის დიზაინი შექმნა.
დღესდღეობით, სიტყვა „ვაზიანი“ სოფლის სახელთანაა დაკავშირებული და ძალიან ცოტამ თუ იცის მისი სხვა მნიშვნელობაც – ვენახი.
ადრე, კახეთში, გლეხები ვენახში წასვლის ნაცვლად, ამბობდნენ, რომ ვაზიანში მიდიოდნენ სამუშაოდ.
