ინოვაციებისა და ტექნოლოგიების სააგენტოსა (GITA) და Catapult-ს შორის ურთიერთთანამშრომლობის მემორანდუმი გაფორმდა. ამ შეთანხმებით, საერთაშორისო ფონდი საქართველოს ბაზარზე შემოდის. შესაბამისად, ქართულ სტარტაპებს ექნებათ შესაძლებლობა, მისგან ინვესტიციები მოიზიდონ და გლობალურ ბაზარზე გავიდნენ.
სამომავლო თანამშრომლობის შესახებ, შეხვედრები, ასევე, გაიმართა Founders Fund-ის პარტნიორ Trae Stephens-თან და Craft Ventures-ის პარტნიორ Brian Murrey-სთან.
სან-ფრანცისკოში, ასევე, ჩატარდა “500Startups”-ის პროგრამის Showcase Day და “500Georgia“-ს მონაწილე ოთხი სტარტაპი Payze, Agrolabs, Cardeal.ge, Cargon, აქსელერაციის ბოლო ეტაპის პარალელურად, უცხოელი ინვესტორების წინაშე წარდგნენ.
მოლაპარაკებები გაიმართა, საქართველოში, DATA ცენტრებისა და დეველოპერული წარმომადგენლობის გახსნის შესახებ Oracle-თანაც. ეს თანამშრომლობა ქართველი IT სპეციალისტებს საშუალებას მისცემს, ამერიკულ მაღალტექნოლოგიურ კომპანიაში დასაქმდნენ, ქართულ სტარტაპები კი შეძლებენ, ამერიკული ტექნოლოგიური კორპორაციის აქსელერაციის პროგრამაში ჩაერთონ.
გარდა ამისა, SpaceX-მა დაინტერესება გამოთქვა საქართველოს ინტერნეტიზაციის პროცესში ჩართულობაზე. არსებული ინფორმაციით, კომპანია, საქართველოს, ერთ-ერთ პირველ საპილოტე ქვეყნად განიხილავს, რომლის მოსახლეობასაც თანამგზავრული ინტერნეტის მიწოდებას შესთავაზებს. სან-ფრანცისკოში შეხვედრა ამ საკითხზეც გაიმართა. SpaceX, ოფიციალურ პროცედურას, საქართველოში ინტერნეტ პროვაიდერის ლიცენზიის მისაღებად, GITA-ს დახმარებით დაიწყებს.
