in

Global Finance-მა „საქართველოს ბანკი“, ცენტრალურ და აღმოსავლეთ ევროპაში, ციფრული პროდუქტების საუკეთესო მიმწოდებლად დაასახელა

საერთაშორისო გამოცემამ Global Finance „საქართველოს ბანკი“ დაასახელა, როგორც, ცენტრალურ და აღმოსავლეთ ევროპაში, საუკეთესო ციფრული სასესხო პროცედურების მიმწოდებელი ბანკი.

პროექტის ფარგლებში, ის ბანკები დააჯილდოვეს, რომლებმაც შეძლეს: მომხმარებლების ციფრულ პლატფორმაზე წარმატებულად გადაყვანა, ციფრული ტექნოლოგიების გამოყენება ბიზნესპროცესების გასაუმჯობესებლად და ხარჯების შესამცირებლად.

ბანკები Global Finance-ის რედაქტორების და პარტნიორი კომპანია Infosys-ის ექსპერტებმა შეაფასეს. მთავარი კრიტერიუმები ითვალისწინებდა, თუ როგორ გაართვეს ბანკებმა პანდემიის გამოწვევებს თავი და რამდენად შეძლეს მისი შესაძლებლობებად ქცევა.

„გლობალური პანდემიის მიერ დაჩქარებული ციფრული ტრანსფორმაციიდან გამომდინარე, ეს ყველაზე მნიშვნელოვანი წელია ციფრული ბანკის დაჯილდოების 21-წლიან ისტორიაში. შესაბამისად, წელს, როგორც არასდროს, მიღებული ჯილდო და აღიარება კიდევ უფრო მნიშვნელოვანი და ღირებულია“,- აცხადებენ Global Finance-ში.

„მოხარული ვართ, რომ „საქართველოს ბანკი“ Global Finance-ის მიერ  საუკეთესო ციფრულ ბანკად დასახელდა. კატეგორია, რომელშიც ჯილდო მოვიპოვეთ გულისხმობს მომხმარებლისთვის მრავალფეროვანი ფინანსური რესურსების კიდევ უფრო ციფრულად უზრუნველყოფას, ჩვენი დისტანციური პროდუქტების საშუალებით. იმისათვის, რომ მომხმარებლისთვის მის საჭიროებებზე კიდევ უფრო მეტად მორგებული სერვისები თუ პროდუქტები შეგვეთავაზებინა დისტანციურ არხებში, როგორიცაა: მობილბანკი, ინტერნეტბანკი, გადახდის აპარატები, საქართველოს ბანკის ვებგვერდი თუ სხვა, ლენდინგ პროდუქტები განვათავსეთ. ჩვენ გვეამაყება ეს წარმატება და აქტიურად ვაგრძელებთ ციფრული ინოვაციების კუთხით განვითარებას თუ მის ბიზნეს საქმიანობაში ინტეგრირებას“, – განაცხადა „საქართველოს ბანკის“ ციფრული საბანკო მომსახურების დეპარტამენტის დირექტორმა ლევან კობახიძემ.

 

[R]

საუკეთესო შეთავაზებები „სამსუნგის“ ჰოლოგრამიან „სმარტფონებზე“

„კარფურში“ ქვითარი კვლავ მომგებიანია! – 35 ლარის შენაძენზე, მომხმარებლებს ქულები და საჩუქრები ელოდებათ