გთავაზობთ Go Electronic-ის საპასუხო წერილს, რომელშიც კომპანია ეხმაურება მარკეტერზე გამოქვეყნებულ სტატიას, სტატიაში მათი მომხმარებელი გამოთქვამდა უკმაყოფილებას შეძენილ საქონელთან დაკავშირებით. Go Electronics-ის წერილში გაკრიტიკებულია მარკეტერიც, თუმცა ჩვენი რედაქცია არ ეთანხმება არც ერთ არგუმენტს რომელიც მარკეტერის წინააღმდეგ გამოითქვა, ვინაიდან ჩვენ ზუსტად სამჯერ მივეცით მათ შესაძლებლობა მოეწოდებინათ ოფიციალური პასუხი. ეს წერილი კი 7 დღის შემდეგ დღეს მივიღეთ. ახლა კი გთავაზობთ საპასუხო წერილს.
Go Electronics-ის პასუხი
ბევრ ადამიანს ჰქონია შემთხვევა, როდესაც შეიძინა ტექნიკა და მას გარკვეული დეფექტი აღმოაჩნდა. ეს ძალიან ცუდი მომენტია, ახალი შენაძენით გამოწვეული სიხარული შეიძლება გაგინელდეთ, მაგრამ, ეს არ არის ტრაგედია. გამოსავალი ყველა შემთხვევაში შეიძლება მოძებნოთ. მანამ ამ გამოსავალს შემოგთავაზებდეთ, მანამდე შევიხედოთ ტექნიკის ბაზრის შიდა სამზარეულოში.
ზოგიერთ შემთხვევაში, ტექნიკის წუნი აღმოჩნდება ყუთიდან ამოღებისთანავე, სხვა შემთხვევაში, გარკვეული დროის გასვლის შემდეგ. არსებობს ქარხნული დეფექტი, ან შემდგომ შეძენილი, რომელსაც იწვევს პროდუქციის ფიზიკური დაზიანება ან მისი არასწორი გამოყენება. ნებისმიერ შემთხვევაში, ჩვენთვის ძალიან სამწუხაროა, როდესაც ჩვენს მაღაზიაში ნაყიდ გაჯეტს აქვთ რაიმე პრობლემა.
წუნდებული პროდუქციის შეკეთება ან შეცვლა დამოკიდებულია იმაზე, თუ რა გარემოებაში დაზიანდა პროდუქცია.
ეს სტატია, არის ერთგვარი გაკვეთილი იმისა, თუ როგორ უნდა მოიქცე და როგორ არ მოიქცე, როდესაც შეძენილი პროდუქცია არის დაზიანებული ან წუნდებული.
ეს არის ამბავი იმის შესახებ, თუ რამდენად პრიორიტეტულია ინტერნეტ ჟურნალისტებისთვის და ზოგიერთი სხვა მედია საშუალებისათვის, უსაფუძვლო სკანდალის შექმნა მეტი მომხმარებლის მოსაზიდად, ვიდრე სიმართლის გარკვევა და შემდგომ მისი მკითხველისათვის გაცნობა.
ეს არის პასუხი, ცილისმწამებლურ სტატიაზე, რაც ჩვენს შესახებ დაიწერა.
ნაწილი I: წარმოების, მიწოდების ჯაჭვისა და სერვის ცენტრის კავშირის მიმოხილვა
ელექტრონიკის თანამედროვე მაღაზიები შედგება ასობით, ხშირ შემთხვევაში კი ათასობით დასახელების დიდი თუ პატარა, ძირითადი თუ მეორადი პროდუქციისაგან.
როდესაც თქვენ ყიდულობთ Apple-ს, Canon-ის ან Samsung-ის პროდუქციას, შეიძლება ვერც კი აცნობიერებთ, რომ ყველა ის ნაწილი, რომლითან ესა თუ ის ტექნიკა შედგება, როდი იყო თავიდანვე ამ კონკრეტული პროდუქტისათვის გათვლილი.
დიდი კომპანიები, როგორც წესი, ხშირად მიმართავენ ასეთ აუთსორსინგს ტექნიკის ნაწილების შესაძენად, მაგალითად: ნოუთბუქის კორპუსი შეიძლება დაამზადოს ერთმა მიმწოდებელმა, პროცესორი მეორემ, ეკრანი მესამემ და ა.შ.
ეს კომპონენტები საბოლოოდ თავს იყრამ ძირითად კომპანიაში, სადაც ტექნიკას უკვე საბოლოო, დასრულებულ სახეს იღებს.
სწორედ პროდუქციის ასეთი კომპლექსურობის გამო, წარმოების ყოველ საფეხურზე არსებობს ხარისხის კონტროლის სისტემა, მისი საშუალებით საფუძველშივე ხდება დეფექტის აღმოჩენა და გამოსწორება, რათა კომპანია დარწმუნებული იყოს, რომ მაღაზიის თაროზე და შემდგომ მომხმარებლის ხელში დასრულებული, ხარისხიანი პროდუქცია აღმოჩნდება.
ხარისხის კონტროლი წარმოებს ორ დონეზე – როგორც ნაწილების მომწოდებელ საწარმოში, ასევე საბოლოო დასრულების ადგილზე, სადაც უშუალოდ ხდება პროდუქციის აწყობა.
ძირითად შემთხვევაში, ეს სისტემა მოქმედებს გამართულად, თუმცაღა მაინც არსებობს შემთხვევა, როდესაც გარკვეული დეფექტის მქონე პროდუქცია აღმოჩნდება მაღაზიის თაროზე და, შემდეგ უკვე, მომხმარებლის საკუთრებაში.
დეფექტური საქონლის აღმოჩენის ალბათობა დამოკიდებულია პროდუქციის კომპლექსურობაზე, მასში შემავალი ნაწილების ხარისხზე და კომპანიის ხარისხის კონტოლის პოლიტიკაზე. ზოგიერთ ბრენდს აქვს ამ მიმართულებით ძალიან მაღალი რეპუტაცია, ზოგიერთი კი არც მთლად გამოირჩევა ამით.
როდესაც პროდუქცია აეწყობა, მისი მიწოდება კონკრეტულ მაღაზიებამდე, ძირითად შემთხვევაში, შემდეგ პრინციპზე დაყრდნობით ხდება: ქარხნებიდან პროდუქცია გადადის რეგიონალურ საწყობებში, საიდანაც იგი მიეწოდება ავტორიზირებულ რესელერებს სხვადასხვა ქვეყნებში (ავტორიზირებული დისტრიბუტორები არის ისეთი იურიდიული პირი, რომელიც, შესაბამისი კონტრაქტის საფუძველზე, წარმოადგენს ბრენდს ამა თუ იმ რეგიონსა თუ ქვეყანაში და ახდენენ მისი პროდუქციის რეალიზებას. სწორედ მათი მეშვეობით ნაწილდება საცალო მაღაზიებში კონკრეტული ბრენდის პროდუქცია). როგორც წესი, მაღაზიები ხდებიან სხვადასხვა ბრენდის ოფიციალური წარმომადგენლები იმიტომ, რომ ამით ხაზი გაუსვან, მათთან ნაყიდი ნივთი არის ორიგინალი და არ გახლავთ ე.წ. “შავ ბაზარზე” შეძენილი ტექნიკა.
თუ კომპანიის პროდუქციის წარმოება არის ძალიან კომპლექსური, ან ამა თუ იმ რეგიონში მეტად მოთხოვნადია, იგი ამავე რეგიონში ხსნის ავტორიზებულ სერვის ცენტრს. ოფიციალური სერვის ცენტრის თანამშრომლები გადიან მთელ რიგ ტრენინგებს, თუ როგორ დაადგინონ პროდუქციის დეფექტი, როგორ მოახდინონ მისი გამოსწორება ან, რა შემთხვევაში არ ექვემდებარება პროდუქცია შეკეთებას და რა შემთხვევაში უნდა შეიცვალოს ახლით. ავტორიზებულ სერვის ცენტრს აღიარებს კონკრეტული მაღაზიის მიერ გაცემულ გარანტიას და, სწორედ მის ფარგლებში, ახდენს პროდუქციის შეკეთებას ორიგინალი ნაწილებით, იმისათვის, რომ უზრუნველყოს გაჯეტის სათანადო ფუნქციონირება
ნაწილი II: უბრალოდ ფაქტები
დავუბრუნდეთ იმ ამბავს, რომელიც ასე სკანდალური აღმოჩნდა და, რომლითაც ზოგიერთი ადამიანი შეეცადა მოეხდინა GO! Electronics-ის დისკრედიტირება.
22 სექტემბერს ლაშა ღუღუნიშვილმა, როგორც LIG Studio-ს წარმომადგენელმა, შეიძინა Canon EOS 5D Mark II body GO! Electronics- ის თბილის ცენტრალის ფილიალში.
ეს პროდუქცია მოწოდებული იყო Canon-ის ოფიციალური დისტრიბუტორის მიერ და, შესაბამისად, გარანტიით გათვალისწინებული ხარვეზების შემთხვევაში, სწორედ იგი ახდენდა პროდუქციის შეკეთებას ან შეცვლას.
ჩვენი მომხმარებლის, ირაკლი ღუღუნიშვილის თქმით, შეძენიდან სამი დღის შემდეგ ფოტო აპარატს აღმოაჩნდა გარკვეული პრობლემები, ის არ მუშაობდა გამართულად. სამწუხაროდ, ჩვენ არ გვაქვს არანაირი ბერკეტი, რომ დავამტკიცოდ, შეესაბამება თუ არა ეს განაცხადი სიმართლეს.
ღუღუნიშვილმა Marketer.ge-სთან მიცემულ ინტერვიუში აღნიშნა, რომ პროდუქცია მაშინვე მოიტანა ჩვენს მაღაზიაში, საიდანც იგი მაღაზიის მენეჯერმა გულგრილად მიიღო და პრობლემის მოგვარებაში არ დახმარებია, თუმცაღა ირაკლი ღუღუნიშვილმა ჩვენთან საუბარში შეცვალა ეს მტკიცემა და გვითხრა, რომ აპარატი არა მან, არამედ მისმა ძმამ, ლაშა ღუღუნიშვილმა მოიტანა GO!-ში და მას მენეჯერთან საერთოდ არ უსაუბრია (მან ვერ დაასახელა, კონკრეტულად რომელ მენეჯერს ესაუბრა, ვერ ამოიცნო ვერც ფოტოთი). მაშინ, მან განაცხადა, რომ აპარატის შეკეთებაზე უარით გამოისტუმრა კონსულტანტმა.
შევჩერდეთ აქ და მივყვეთ თითოეულ ამ განაცხადს თანმიმდევრულად:
1)ჩვენი გაყიდვების კონსულტანტი არ არის უფლებამოსილი გადაწყვიტოს ისეთი პრობლემები, რომელიც გამოკვეთილად არის სერვის ცენტრი კომპეტენცია. ამისათვის ჩვენს ყველა ფილიალში არსებობს სერვისის მენეჯერი ან მაღაზიის მენეჯერი, რომლებსაც შეუძლიათ მოახდინონ რეაგირება ასეთ საკითხებზე.
2)ამასთანავე, ცოტა უცნაურია, რომ იმ ადამიანმა, რომელმაც შეიძინა არც ისე დაბალი ფასის მქონე 5D Mark II, არ მოინდომა საკუთარ პრობლემაზე თავად დალაპარაკებოდა მენეჯერს და, თუნდაც დავუშვათ, რომ კონსულტანტმა იგი უარით გაისტუმრა, ასე მარტივად მიიღო მისი უარი და არ მოითხოვა მისი ზემდგომ პირთან დალაპარაკება. (აქვე უნდა აღვნიშნოთ, რომ ვერაფრით ვერ იტყვიან ძმები ღუღუნიშვილები, რომ მათ მენეჯერი აერიათ კონსულთანტში რამდენიმე, ძალიან მარტივი მიზეზის გამო :კონსულტანტს აცვია სპეციალური ფორმა, უკეთია ე.წ. ”ბეიჯი”, სადაც წერია მისი სახელი და პოზიცია).
ამასთანავე, ირაკლი ღუღუნიშვილი ამტკიცემს, რომ შესყიდვიდან 3 დღეში, მან ფოტო აპარატი მიიტანა ალტას სერვის ცენტრში, რომელიც Canon-ის ოფიციალური დისტრიბუტორია საქართველოში და, შესაბამისად, პასუხისმგებელია Canon-ის ნებისმიერი პროდუქციის გარანტიით გათვალისწინებულ შეკეთებაზე. ან შეცვლაზე. როგორც ნებისმიერი ავტორიზებული სერვის ცენტრი, ალტას სერვის ცენტრიც ოფიციალურად აღრიცხავს ყველა მიღებულ პროდუქტს და ასევე, იმ პრობლემასა და მისი გადაწყვეტის გზას, რაც ამ ტექნიკას შეიძლება ჰქონდეს. ალტას სერვის ცენტრი ამ აღრიცხვას გვერდს ვერც ერთ შემთხვევაში ვერ აუვლის იმდენად, რამდენადაც იგი ვალდებულია მიაწოდოს ეს ინფორმაცია საქართველოში Canon-ის წარმომადგენელს.
მას მერე, რაც ჩვენ გამოვითხოვეთ ოფიციალური მონაცემები როგორც Alta-ს სერვის ცენრტიდან, ასევე საქართველოში Canon-ის ოფიციალური წარმომადგენლისაგან, აღმოჩნდა, რომ 22 სექტემბრიდან 29 ოქრომბრამდე სერვისმა არათუ კონკრეტულად ამ მომხმარებლების ფოტოაპარატი მიიღო, არამედ ამ პერიოდში საერთოდ არ მიუღია ამ მოდელის კამერა
ღუღუნიშვილის თქმით, მან დაკარგა საბუთი, რომელიც Alta-ს სერვის ცენტრმა მისცა პროდუქციის ჩაბარებისას, შესაბამისად, მას არ აქვს არანაირი მტკიცებულება იმისა, რომ ფოტო აპარატი ნამდვილად მიიტანა სერვისში.
პირველი ჩანაწერი, რომელიც სერვის აქვს, ამ აპარატის მიღების თაობაზე თარიღდება 29 ოქტომბრით. კლიენტი აცხადებდა, რომ ფოტო აპარატს თავიდანვე, ყუთიდან ამოღებისთანავე ჰქონდა პრობლემები. ეს ჩანაწერი კი აჩვენებს, რომ მან გამოიყენა ფოტო აპარატი სერვისში მიტანამდე 38 დღის განმავლობაში.
მომხმარებელმა 1 ნოემბერს უკან გაიტანა აპარატი, სადაც ადასტურებს, რომ იგი სერვისში 29 ნოემბერს აქვს მიტანილი.
აპარატი მან უკან დააბრუნა 13 ნოემბერს, ამგრვარად მომხმარებელს დაახლოვებით 10 დღის განმავლობაში ჰქონდა იგი სახლში, შესაბამისად, ამ პერიოდში დაზიანდა თუ არა იგი, ეს კითხვის ნიშნის ქვეშ დგას:
ასე რომ, არ არსებობს არანაირი ოფიციალური მასალა იმისა, რომ აპარატს თავიდანვე ჰქონდა პრობლემები და, ასევე, იმისა, რომ კლიენტმა მანამდე მიმართა სერვის ცენტრს და ვერ მიირო პასუხი.
28 ნოემბერი, ძმებმა ღუღუნიშვილებმა და ინტერნეტ ჟურნალმა Marketer.ge-მ გამოაქვეყნა სკანდალური სტატია, რომელიც იყო სუბიექტურობისა და არაპროფესიონალიზმის ნამდვილი ნიმუში, სადაც დაიწერა დიდი სიცრუე ამ სიტუაციის გარშემა, არ იყო გამყარებული არც ერთი ოფიციალური დოკუმენტით (!) და წარმოდგენილი იყო მხოლოდ ერთი მხარის არგუმენტები. ჟურნალისტს თავში აზრადაც არ მოსვლია მოეთხოვა კომენტარი GO! Electronics-ისაგან, რითიც კიდევ ერთხელ გაუსვა ხაზი საკუთარ არაპროფესიონალიზმს.
ნაწილი III: ინტერნეტ ჟურნალისტიკა
ჟურნალისტიკის საბაზისო პრინციპებია გააშუქოს სიმართლე მიუკერძოებლად, რომელიც დამყარებული იქნება ფაქტებზე და დოკუმენტებზე. სხვადასხვა ქვეყანაში მოქმედებს კანონი პრესის შესახებ, რომელიც არეგულირებდა მედიაში ცილისწამებისა და ფალსიფიკაციის პრობლემას. ამ კანონს ეწოდება “ცილისწამების კანონი”. ამ შემთხევავაში, “ცილისწამებაში” იგულისხმება მუქარა, მცდარი განცხადებები, დოკუმენტებით გაუმყარებელი ბრალდება გაჟღერებული ბეჭდური, თუ სატელევიზიო მედიაში. ეს არის კომუნიკაციის ისეთი საშუალება, რომელიც “უარყობით კონტექსტში მოიხსენიებს ინდივიდს, ბიზნეს, პროდუქციას, ჯგუფს, მთავრობას, რელიგიას ან ნაციას, იმისათვის, რომ მოახდინოს მისი დისკრედიტირება საზოგადოებაში”, შებღალოს მისი იმიჯი. აქ შეიძლება ასევე შევიდეს ნებისმიერი ნეგატიური განცხადება გაკეთებული ერთი ინდივიდის მიერ მეორის მისამართით, რომელიც შეიძლება გამოქვეყნდეს, ან გავიდეს ეთერში.
განვითარებად ქვეყნებში ბეჭდვურმა მედიამ უნდა გამოიჩინოს განსაკუთრებული სიფრთხილე ცილისწამებასთან დაკავშირებით. ინტერნეტის არსებობის განმავლობაში, ცილისმწამებლებმა აქ იპოვეს კომფორტული ადგილი, საიდანაც მარტივად ახერხებენ დაგროვილი აგრესიის გამოხატვას, რადგანაც დღემდე არ დამდგარა არც ერთი ფალსიფიკატორის პასუხისმგებლობის (თუნდაც მორალური) საკითხი. მას შემდეგ, რაც ბევრი საიტი გამოიმუშავებს სახსრებს რეკლამიდან (მეტი “კლიკი”=მეტი ფული), გაჩნდა უფრო მეტი ფინანსური ინტერესი, იმისა, რომ მათ შექმნან სკანდალი ან სიტუაცია, რომელიც მომხმარებლებს დისკუსიისაკენ უბიძგებს. ძალიან ბევრ ინტერნეტ ჟურნალისტს, განსაკუთრების პატარა საიტებზე, არ აქვთ რეალურად ჟურნალისტის კვალიფიკაცია/განათლება/ნიჭი ან ჟურნალისტური ეთიკის განცდა.
როდესაც ეცნობი marketer.ge-ზე გამოქვეყნებული სტატიას და მას განიხილავ იმ ფაქტების გათვალისწინებით, რაც ზემოთ მოვიყვანეთ, შეუსაბამობის დანახვა ძალიან მარტივია. ქრონოლოგია ყველა იმ შემთხვევისა, რაც მომხმარებელმა ღუღუნიშვილმა სტატიაში აღწერა არ ემთხვევა არც ერთ დოკუმენტურად გამყარებულ ფაქტებს. მათ არ აქვთ საკუთარი სიმართლის დამამტკიცებელი მასალა.
სწორედ ამიტომ, ყოველგვარი გაზვიადების გარეშე, ამ სტატიას ვუწოდოთ ცილისწამება GO!- ს მიმართ!
იყო კი Marketer.ge რეალურად სიმართლის დადგენითა და სიტუაციის გაანალიზებით დაინტერესებული (ნაცვლად სარეკლამო შემოსავლების მაქსიმალური გაზრდისა)? რა თქმა უნდა, არა. წინააღმდეგ შემთხვევაში, ისინი მოითხოვდნენ GO! Electronics-ისაგან, Alta-ს სერვის ცენტრისგან ან საქართველოში Canon-ის ოფიციალური წარმომადგენლისაგან კომენტარსა და დოკუმენტებს.
საბოლოო შედეგი კი ისაა, რომ მათ დაბეჭდეს ფალსიფიცირებული, სუბიექტური, ცილისმწამებლური სტატია, მიიღეს ამ დღეს მომხმარებლების დიდი ნაკადი ბაზარზე, შესაბამისა, უფრო მეტი ფული რეკლამიდან. ეს კარგად უნდა გაითვალისწინოს შემდგომში მკითხველმა და შესაბამისი შეხედულება ჩამოუყალიბდეს ამ საიტის მესვეურების მიუკერძოებელობასა და ობიექტურობაზე.
ნაწილი IV: როგორ შეიძლებოდა მოვლენები განვითარებულიყო
როგორც სტატიის დასაწყისში აღვნიშნეთ, ჩვენ გვესმის როგორი სამწუხარო შეიძლება აღმოჩნდეს მომხმარებლისათვის ახალშეძენილი ტექნიკის დეფექტი. ეს შეიძლება შემთხვეოდა ნებისმიერს, მიუხედავად ნაყიდი პროდუქციის ბრენდისა თუ შეძენის ადგილისა. მაშ ასე, აქ არის რამდენიმე რჩევა, თუ როგორ უნდა მოიქცეთ თუ თქვნც აღმოჩნდებით ასეთ სიტუაციაში.
პირველ რიგში, თუ თქვენ აღმოაჩენთ დეფექტს ყუთიდან ამოღებისთანავე, ნუ დააყოვნებთ: დაეკონტაქტეთ მაღაზიას, სადაც პროდუქცია შეიძინეთ, მიიტანეთ ნივთი უკან. ძირითადი მაღაზიები (GO! Electronics-ის ჩათვლით) აუცილებლად შეცვლიან დეფექტურ ნივთს ყიდვიდან პირველი 3-4 დღის განმავლობაში ყოველგვარი ზედმეტი შეკითხვების გარეშე.
ჩვენ შემთხვევაში, პროცესი უნდა განვითარებულიყო შემდეგნაირად:
ჩვენს სერვის მენეჯერს უნდა შეესწავლა ეს პროდქტი, დაედასტურებინდა, რომ ის არ არის ფიზიკურად დაზიანები. შემდეგ, ის გამოწერდა დოკუკუმენტს, სადაც აღწერილი იქნებოდა კონკრეტული პრობლემა, რომლის გამოსწორებაზეც იმუშავებდა GO!-ს სერვის ცენტრი, საჭიროების შემთხვევაში, ნივთი გადაეგზავნებოდა ავტორიზებულ სერვის ცენტრს. თუ პროდუქციას აღმოაჩნდებოდა ქარხნული წუნი, GO! ნივთს დაუბრუნებდა ავტორიზებულ დისტრიბუტორს, რომელიც შეცვლიდა მას.
თუ პროდუქციის შეცვლა აღმოჩნდებოდა შეუძლებელი, ჩვენ დავაბრუნებდით თანხად ან კლიენტს გაეხსნებოდა მაღაზიაში სადებეტო ანგარიში (მისი თანხა გაიყინებოდა და ამ თანხით შეძლებდა მაღაზიაში ნებისმიერ სხვა პროდუქციის შეძენას).
მაგრამ, თუ თქვენც, მომხმარებელი ღუღუნიშვილის მსგავსად, მაღაზიას მიმართავთ 1 თვით გვიან მას შემდეგ რაც ნივთს აღმოაჩნდება დეფექტი, თქვენ ვერც ერთი ელექტრონიკის მაღაზია ვერ შეგიცვლით მას ახლით. თუმცაღა, გარანტიის პირობებში, თქვენი მოწყობილობა შეკეთდება უფასოდ. ასე რომ, დეფექტის შემთხვევაში არის ორი გზა: ან პროდუქტის შეცვლა, ან მისი შეკეთება.
პრობლემას კი ნამდვილად ვერ მოაგვარებთ სიცრუისა და ცილისწამების ინტერნეტ სივრცეში გავრცელებით ან კომპანიის შანტაჟისა და დისკრიმინაციის მცდელობით.
ჩვენი წარმომადგენლები არაერთხელ შეხვდნენ ძმებ ღუღუნიშვილებს და მათთან ერთად გაიარეს ეს საკითხები. საბოლოო პრობლემის მოგვარების გზად კი შემდეგი გვესახება:
მიუხედავად იმისა, რომ ძმებს არ აქვთ არანაირი დამადასტურებელი საბუთი, რომ აპარატს აქვს ქარხნლი წუნი, ან იგი მაღაზიიდან წაღების თანავე გაფუჭდა (არა მათი მიზეზით), ჩვენ მაინც მივდივართ მათთან დათმობაზე და პრობლემას მაქსიმალურად მათ სასარგებლოდ ვწყვეტთ.
ყოველგვარი საფასურის გარეშე, აპარატს გამოეცვლება მატრიცა, რომლის პრობლემაც გამოვლინდა დედა პლატის შეცვლის შემდეგ, და მთლიანი სამუშაოები დასრულდება 10 დეკემბერს. სწორედ ამ რიცხვში შეძლებს მომხმარებელი მისი კუთვნილი ნივთის წაღებას. ჩვენ ასევე მომხმარებელს საშუალებას ვაძლევთ ისარგებლოს პროდუქციაზე 2 წლიანი გარანტიით, რომლის ათვლაც დაიწყება 10 დეკემბრიდან.
ამ წერილის გამოქვეყნებით მარკეტერი მიიჩნევს, რომ ეფექტური კომუნიკაციისთვის მხარეებმა მომავალში პირისპირ უნდა მოილაპარაკონ.
