in

Google ანდროიდს ინკლუზიურ ხელსაწყოებს ამატებს

veon
veon

Accessibility Awareness Day-ისთვის გუგლი ანდროიდზე იმგვარ განახლებებს გვთავაზობს, რომლებიც, შესაძლოა, მობილობისა და მხედველობა დაქვეითებული ადამიანებისთვის დიდად სასარგებლო იყოს. Project Gameface გეიმერებს საშუალებას აძლევს, კურსორის სამოძრაოდ საკუთარი სახეები გამოიყენონ და დესკტოპზე იმგვარი ქმედებები შეასრულონ, რომელთათვისაც მხოლოდ ერთი კლიკია საჭირო. 

უფრო ზუსტად რომ გითხრათ, პროექტი შეზღუდული მობილობის მქონე ადამიანებს შესაძლებლობას აძლევს, სახის მოძრაობები, იქნება ეს წარბის აწევა, პირისა თუ თავის მოძრაობა, მრავალი ფუნქციის გასააქტიურებლად გამოიყენონ. ჩათვალეთ, რომ ვირტუალური კურსორია, თუმცა ამასთან, ჟესტებზეც რეაგირებს. თანაც მომხმარებლის უნარებს მარტივად ერგება. მოკლედ რომ ვთქვათ, ამ სიახლით შეზღუდული შესაძლებლობების მქონე ადამიანები, რომლებიც ანდროიდის მომხმარებლები არიან, ათასობით თამაშით გართობას შეძლებენ. ხოლო უკეთესი წარმოდგენა რომ შეგექმნათ იმაზე, რასაც გუგლი გვთავაზობს, ნახეთ ვიდეო:

ამგვარად, კიდევ ერთი ფუნქცია ადამიანებისთვის, რომლებსაც კლავიატურის გამოყენება არ შეუძლიათ, Look to Speak-ის რეჟიმია — მომხმარებლებს საშუალებას აძლევს, თავად გააგზავნონ ემოჯები, ფრაზები ან განახორციელონ კონკრეტული ქმედებები. აქ ფოტოების დამატების შესაძლებლობაც არსებობს, როგორც საკუთარი, ისე კონტაქტების სურათების, ყველაფერი კი ხელმისაწვდომი სულ რამდენიმე შეხედვით ხდება. 

მხედველობის პრობლემების მქონე ადამიანებისთვის გუგლი უამრავ ხელსაწყოს გვთავაზობს, რომელიც მომხმარებლებს საშუალებას აძლევს, ისეთი რაღაცების იდენტიფიცირებაც შეძლონ, რასაც მათი ტელეფონის კამერა ხედავს. მაგალითად შეუძლიათ, ეს ხელსაწყო თავისუფალი სკამის ან სულაც გასაღების საპოვნელად გამოიყენონ.

სულ ეს იყო, თუმცა გუგლის მკვლევრები ახლაც მუშაობენ Incluzza-ს პროექტზე, რათა კონკრეტული ხელსაწყო კიდევ უფრო დახვეწონ… 

Habitat 60 წლის იუბილეს 3D ბილბორდებით აღნიშნავს

როცა ორთქლი ხვდება ყინულს — საუნის ბრენდინგი