პროდუქტიულობაზე ორიენტირებულ Chromebook Plus-ის მოწყობილობათა ხაზს გუგლი ხელოვნური ინტელექტით გაძლიერებულ ფუნქციებს ამატებს, მათ შორის ეკრანის შერჩევის ხელსაწყოს ძიებისა და ტექსტის დაფიქსირებისთვის, მოწყობილობას, რომელიც კომპლექსურ ტექსტს განმარტავს და NotebookLM-ს…
პირველი მათგანი Google Lens-ისა და Circle to Search-ის მსგავსად მუშაობს — დიდხანს უნდა დააჭიროთ ღილაკს ან გამოიყენოთ სქრინშოთის ხელსაწყო, რათა აირჩიოთ ეკრანზე არსებული ობიექტი, გუგლი კი დაუყოვნებლივ მოიძიებს მას. ხელსაწყო ასე ტექსტის მონიშვნისა და მისი ღონისძიების სახით კალენდარში დამატებასაც გთავაზობთ.
Simplify-ის ფუნქცია კი საშუალებას მოგცემთ, AI ნებისმიერი მონიშნული ტექსტის განმარტებისთვის, გასამარტივებლად ან შესაჯამებლად გამოიყენოთ.
ამასთან, გუგლი Chromebook Plus-ის მომხმარებლებს ერთწლიან გამოწერას სთავაზობს Google AI Pro გეგმის ფარგლებში, რაც Gemini-ის აპლიკაციაზე, ვიდეოს რედაქტირების ხელსაწყო Flow-ზე, სურათების ვიდეოდ გარდაქმნის ხელსაწყო Whisk-ზე, Gemini-ის Gmail-ზე, Docs-ზე და Chrome-ზე წვდომას მოიაზრებს. 2-ტერაბაიტიან ტევადობას გთავაზობთ, რაც წელიწადში 240 დოლარი დაგიჯდებათ.
ამას გარდა, გუგლი ორ ექსკლუზიურ AI ფუნქციას გვაცნობს Lenovo-ს ახალ Chromebook Plus 14-ზე: ერთს AI გვერდების რეკომენდაციებისა და დოკუმენტების დასაორგანიზებლად იყენებს, ხოლო მეორეს მომხმარებლების სურათების რედაქტირებისთვის Gallery-ის აპლიკაციის გამოყენებით, რათა წაშალონ ფონები და გააკეთონ სტიკერები. ლენოვოს ფასი 12GB-ის შემთხვევაში 649$ იქნება, ხოლო 16GB-ის შემთხვევაში 748 დოლარი.
