Google-ის საძიებო სისტემა საქართველოს ისტორიაში უმნიშვნელოვანეს, 26 მაისის დამოუკიდებლობის დღეს ბანერზე განთავსებული საქართველოს სახელმწიფო დროშით ულოცავს. მასზე დაწკაპუნების შემთხვევაში კი, ვიზიტორს 26 მაისთან დაკავშირებულ ინფორმაციაზე წვდომის შესაძლებლობა აქვს.
ჩამატებული შენიშვნა: ბანერი ლოკაციაზეა მორგებული და მხოლოდ საქართველოში მყოფებთან ჩანს საძიებო სისტემა საქართველოს დროშით გაფორმებული.
შეგახსენებთ, რომ Google-მა, საქართველოს დამოუკიდებლობის დღე პირველად 2015 წელს მიულოცა. ინიციატორი კი, იმ დროს, 22 წლის ნინუცა ნანიტაშვილი – თბილისში Google-ის დეველოპერების ჯგუფის დამფუძნებელი და ერთ-ერთი მენეჯერი იყო. ხოლო ბოლო რამდენიმე წელია ამ საკითხზე კონფერენცია Touch-ის ორგანიზატორი – ბექა ქვარცხავა მუშაობს. წლევანდელი მილოცვაც სწორედ მის სახელს უკავშირდება.
