Google Play-ის 2024 წლის ტოპ თამაშები უკვე გაგაცანით, ახლა კი აპლიკაციების დროა. წვეულებების დაგეგმვით დაწყებული და ხატვით დამთავრებული, ამ წლის გამარჯვებულები შემოქმედებითობისა თუ ფუნქციონალობის ფართო სპექტრს გვაზიარებენ. შესაბამისად, Google Play-ის 2024 წლის საუკეთესო აპლიკაციების სია ასე გამოიყურება:
Partiful — Best Overall App
თუ წვეულების მოწყობისას ძალიან დაგღალათ ადამიანების შეკრებამ და თანმდევი პროცესების ორგანიზებამ, Partiful-ის მარტივი ინტერფეისი პროცესს გაგიმარტივებთ და დაგეხმარებათ, სახალისო მოსაწვევები წამებში შექმნათ:
Max — Best Multi-Device App
აქ საქმე Max-ის კინოებისა თუ სატელევიზიო შოუების ფართო ჩამონათვალს არ ეხება, უფრო მოქნილობაზეა, რომელსაც მოწყობილობებს შორის გადართვით გვთავაზობს, იქნება ეს ტელევიზორი, ტელეფონი თუ სულაც მანქანის ეკრანი. ამგვარად, თუ ფილმის დასრულებას სახლში ვერ ასწრებთ, მარტივად შეგიძლიათ, მანქანაში გააგრძელოთ:
Mila by Camilla Lorentzen — Best for Fun
ეს აპლიკაცია კი მომხმარებლებს მდგრადი ჩვევების ჩამოყალიბებაში ეხმარება. ფიტნესაპლიკაციაა, რომელიც თქვენს განწყობაზე დაფუძნებით შემოგთავაზებთ აქტივობებს იოგიდან კარდიომდე:
UpStudy – Camera Math Solver — Best for Personal Growth
გადაუღეთ ფოტო მათემატიკის, ქიმიის ან ფიზიკის ამოცანას და აპლიკაცია ნაბიჯ-ნაბიჯ მიგიყვანთ გამოსავლამდე:
MacroFactor — Best Everyday Essential
მომხმარებელზე მორგებული დიზაინით კვების ჩვევებს ადევნებს თვალს, ეხმარება მათ, დასახულ რაციონალურ კვებით მიზნებს მიაღწიონ:
Timeleft — Best Hidden Gem
უცხო ადამიანებთან საუბრის წამოწყება თუ გეუხერხულებათ, ეს აპლიკაცია თქვენთვისაა – ვახშამს აორგანიზებს ჯგუფებისთვის, რომლებსაც მონაწილეების პერსონალური მახასიათებლების მიხედვით ადგენს. რესტორანსაც თავად არჩევს და აქტივობებსაც, რომელიც ყინულის გალღობაში დაგეხმარებათ:
Baby Daybook — Best for Watches
ახალბედა მშობლებისთვისაა და მათ ბავშვების მოვლის სტრესს უმსუბუქებს. არ აქვს მნიშვნელობა, აქ საქმე კვებას ეხება, ძილს თუ საფენის გამოცვლას, ყველაფერს თვალს ადევნებს და მშობლებისთვის იდეალური ასისტენტი ხდება:
Infinite Painter — Best for Large Screens
ხელოვანებისთვისაა, რომლებიც Chromebook-ებს იყენებენ. ასობით ფუნჯი და ხელსაწყო აქვს, შესაბამისად, პროფესიონალური დონის სტუდიას გთავაზობთ:
Peacock TV — Best for Google TV
Google TV-ის მომხმარებლებს მრავალი პოპულარული ფილმის, სატელევიზიო შოუსა და სპორტული აქტივობის Live-ში ყურების საშუალებას აძლევს:
PBS Kids Video — Best for Cars
დაბოლოს, საუკეთესოთა ჩამონათვალში საბავშვო აპლიკაციაც მოხვდა, რომელიც გზაში მყოფ მშობლებს ბავშვებთან ერთად მგზავრობას გაუმარტივებს. ათასობით ვიდეოა, რომლითაც ისინი გაერთობიან და, ამასთან, სრულიად უსაფრთხო გარემოში ახალი რაღაცების სწავლასაც შეძლებენ:
