უნდა ვაღიაროთ, ამ წელმა საოცრად მრავალფეროვანი გამოცდილებები შემოგვთავაზა, დაწყებული ფანტასტიკური ჟანრითა და სტრატეგიული ბრძოლებით და დამთავრებული მრავალმოთამაშიანი სათავგადასავლო თამაშებით. არ აქვს მნიშვნელობა, ეპიკურ ამბავში გსურთ ჩართვა, თქვენს სამეფოში დიდების მოპოვება თუ უბრალოდ გართობა, წლის საუკეთესო თამაშები ნებისმიერი ტიპის ადამიანს დააკმაყოფილებს. ამიტომ, ახლა ერთად ვნახოთ, რომელ თამაშებს მიიჩნევს Google Play წელს საუკეთესოდ:
1. Best Overall Game: AFK Journey
მოთამაშეები ესპერიის სამყაროში მიჰყავს და მათ ჯადოსნური ძიების, ტაქტიკური ბრძოლებისა და მიმზიდველი ვიზუალების მიქსს სთავაზობს:
2. Best Multi-Device Game: Clash of Clans
თქვენთვის ძველი საყვარელი თამაში კი შეიძლება, იყოს, მაგრამ წელს კომპიუტერებსა და Chromebook-ებს ემატება. ამიტომ, სად ითამაშებთ, ეს თავად გადაწყვიტეთ:
3. Best Multiplayer Game: Squad Busters
მოქმედებებით დატვირთულ გამოცდილებას გპირდებათ, სადაც მოთამაშეები ერთმანეთს ძვირფასი ქვების მოსაპოვებლად ეჯიბრებიან განსხვავებულ რუკებსა და რეჟიმებში. Supercell-ის პოპულარული თამაშებიდან ამოღებული პერსონაჟებით კი, იქნება ეს Clash Royale თუ Hay Day, Squad Busters, კიდევ უფრო საინტერესო ხდება:
4. Best Pick Up & Play: Eggy Party
იმ ადამიანებისთვისაა, რომელთაც ფერადი და სწრაფი თამაშები უყვარს. შეგიძლიათ მარტოც ითამაშოთ და მეგობრებთან ერთადაც:
5. Best Indie Game: Yes, Your Grace
აქ კი უკვე სამეფოს უნდა მიხედოთ, უნდა გადაწყვიტოთ, ვის დაეხმაროთ და როდის დაზოგოთ რესურსები, დააბალანსოთ სამეფოს საჭიროებები შეზღუდული მარაგებით — ამგვარად, სტრატეგიულად ფიქრიც მოგეთხოვებათ:
6. Best Story: Solo Leveling: Arise
Jinwoo-ს პერსონაჟად უნდა იქცეთ, რომელიც ყველაზე სუსტი მონადირეა, თუმცა ყველაზე ძლიერი ხდება. Solo Leveling: Arise საოცარი გრაფიკითა და მიმზიდველი ნარატივით მოთამაშეებს ახალი ამბების ძიებისკენ უბიძგებს…
7. Best Ongoing Game: Honkai: Star Rail
ეპიკურ მოგზაურობას გპირდებათ გალაქტიკაში, მდიდარია სთორითელინგით, სტრატეგიული თამაშებითა და პერსონაჟთა მრავალფეროვნებით:
8. Best for Families: Tab Time World
ემის მფლობელი შოუ Tab Time-ით შთაგონებული თამაშია და ბავშვებს თავიანთი შემოქმედებითი ხედვის გამოხატვასა და, ამასთან, კოგნიტიური უნარების გამომუშავებაში ეხმარება. Coloring Adventures-ის, Melody Magic-ისა და Storytelling Wonders-ის რეჟიმებით კი სწავლა და გართობა ერთ თამაშში ერთიანდება:
9. Best on Play Pass: Kingdom Rush 5: Alliance
კლასიკური კოშკის დაცვის თამაშებიდანაა და სტრატეგიულად ფიქრს მოითხოვს. Play Pass-ის გამომწერებს კი უფრო მდიდრულ გამოცდილებას სთავაზობს:
10. Best for Google Play Games on PC: Cookie Run: Tower of Adventures
3D თავგადასავლებში მოგზაურობას გპირდებათ GingerBrave-თან და თავის მეგობრებთან ერთად. შეგიძლიათ მარტოც ითამაშოთ და სხვებთან ერთადაც, თანაც თამაში ნებისმიერი ასაკის მქონე ადამიანისთვისაა შექმნილი:
