Google Search-ში ცვლილებები იგეგმება, რათა მომხმარებლებისთვის აშკარა გახდეს ადამიანი კრეატორების მიერ შექმნილ კონტენტს უყურებენ თუ ხელოვნური ინტელექტის. ეს იმას ნიშნავს, რომ Search-ის შედეგებში AI სიმბოლოს დავინახავთ იმ შემთხვევაში, თუ ეს კონტენტი ხელოვნური ინტელექტითაა გენერირებული ან უბრალოდ AI ხელსაწყოებითაა რედაქტირებული.
ოღონდ მხოლოდ ის სურათები მოინიშნება AI-ით, რომლებიც C2PA-ის (Coalition for Content Provenance and Authenticity) მონაცემებს შეიცავს — ტექნიკური სტანდარტია, რომელიც სურათის ისტორიის შესახებ გვამცნობს, რაც მოიცავს ხელსაწყოებსა და პროგრამებს, რომლებიც მის დასაფიქსირებლად თუ შესაქმნელად გამოიყენეს.
მომდევნო თვეებში კი Google AI ფოტოებს მონიშნავს Search-ისა და Google Lens-ის About this image-ის სექციაში, ხოლო ანდროიდზე Circle to Search-ის ფუნქციით შემოგვთავაზებს. მსგავსი ცვლილება მომავალში YouTube-ზეც იგეგმება, რაზეც გუგლი დაგვპირდა, რომ მალე უფრო მეტ ინფორმაციას მოგვაწვდის.
კვლევების თანახმად, ადამიანებს ჯერ კვლავ უჭირთ ხელოვნური ინტელექტის მიერ გენერირებული გამოსახულებების თავად ამოცნობა, რაც აღნიშნულ ფუნქციას მეტად საჭიროს ხდის…
