რამდენიმე თვის წინ Google-მა MusicLM გაგვაცნო, ტექსტის მუსიკებად გარდაქმნის ხელსაწყო და მომხმარებლებს საშუალება მისცა, მოკლე წინადადებები პერსონალიზებული ფლეილისტების ნაწილად ექციათ. გენერატორი თითოეულ მოთხოვნაზე ორ ვარიანტს გვთავაზობს, რომელთაგანაც სასურველის არჩევა შეგვიძლია. უახლესმა კვლევამ კი გამოავლინა, რომ AI მუსიკის გენერატორი რაღაც დამაინტრიგებელ ფუნქციას მალავს.
ექსპერიმენტის დროს 5 ადამიანს მაგნიტურ-რეზონანსული ტომოგრაფიის დროს 10 განსხვავებული მუსიკალური ჟანრის 500 სიმღერა მოასმენინეს. მათი ტვინის მონაცემები კი MusicLM-ს მიაწოდეს. საინტერესოა, რომ მიღებული შედეგები მსგავსი იყო იმისა, რასაც მოხალისეები ჩვეულებრივ უსმენდნენ „პატივისცემით ისეთი სემანტიკური თვისებების მიმართ, როგორებიცაა ჟანრი, ინსტრუმენტები და განწყობა“.
ეს კი იმ ფაქტით შეიძლება იყოს განპირობებული, რომ ტექსტისა და მუსიკისგან მიღებული ინფორმაციის დამუშავებაზე პასუხისმგებელი ტვინის რეგიონები ერთმანეთს ემთხვევა. ამგვარად, როცა ადამიანი და MusicLM ერთსა და იმავე სიმღერას უსმენს, გენერატორის შიდა წარმოდგენები ტვინის რეალურ აქტივობასთანაა კორელაციაში.
მეტიც, როგორც ამბობენ, პროგრამისთვის ტვინის სკანირებების მიწოდებით, ისინი შეძლებენ იწინასწარმეტყველონ და ხელახლა ააგონ იმ მუსიკის სახეები, რომლებსაც ადამიანები ექვემდებარებიან. შეიძლება თუ არა ეს იმას ნიშნავდეს, რომ უეცრად მოფიქრებული მელოდია ამ გზით რეალურ მუსიკად გადაითარგმნოს? დიახ, შესაძლებელია, თუმცა მკვლევრები ამას მეტად რთულად მიიჩნევენ, რადგან ტვინის აქტივობა ადამიანებში მნიშვნელოვნად განსხვავდება ერთმანეთისგან.
