Grey Goose ფრანგული სასმელების ბრენდია, რომელმაც ამჯერად სპეციალური არაყი გამოუშვა, სახელწოდებით Altius. ბრენდმა ამ გამოშვების ბრენდინგზე მუშაობისას ორიენტირად საფრანგეთის ალპების საოცარი, იშვიათი ბუნებრიობა აიღო. ამისათვის კი სტუდია Intertype-სთან თანამშრომლობა გადაწყვიტა.
შედეგად მიღებული ბოთლის სტრუქტურა საკმაოდ უჩვეულო და სახასიათოა — მას გამოარჩევს წაგრძელებული ფორმა და ძირში სიმბოლურად გამოკვეთილი მთა; თანაც ყინულისა და დინამიკის ეფექტით. ამასთან, გამოსახულებას ერთგვარი კრისტალიზებული ვიზუალი აქვს, რაც უშუალოდ სასმლის წარმოების პროცესებითაა შთაგონებული… კერძოდ, მთის წყლის ავთენტური გემოს შესანარჩუნებლად, კრისტალიზაციის განსხვავებულ, ბუნებრივი ეფექტებით გაჯერებულ პროცესს მიმართეს.
